Բել Կաուֆման

Բել Կաուֆման; Bel Kaufman
	Բել Կաուֆման (աջից երկրորդը)
Ծննդյան անուն	ռուս.՝ Белла Михайловна Койфман
Ծնվել է	մայիսի 10, 1911
Ծննդավայր	Բեռլին, Գերմանական կայսրություն
Վախճանվել է	հուլիսի 25, 2014 (103 տարեկան)
Վախճանի վայր	Նյու Յորք շրջան, Նյու Յորք, Նյու Յորք, ԱՄՆ կամ Նյու Յորք, Նյու Յորք, ԱՄՆ
Գերեզման	Mount Carmel Cemetery
Մասնագիտություն	վիպասան, համալսարանի դասախոս, գրող և դպրոցի դասատու
Լեզու	անգլերեն
Քաղաքացիություն	ԱՄՆ
Կրթություն	Հանթեր քոլեջ (1934) և Կոլումբիայի համալսարան (1936)
Ուշագրավ աշխատանքներ	Ներքև տանող աստիճանով դեպի վեր (վեպ)
Աշխատավայր	Կոլումբիայի համալսարան
Պարգևներ	Anti-Defamation League?
Ազգականներ	Շոլոմ Ալայխեմ
	Bel Kaufman Վիքիպահեստում

Հրեական գրականության դասական ներկայացուցիչ Շոլոմ-Ալեյխեմի թոռնուհին (մայրական գծով)։

Կենսագրություն

Բել Կաուֆմանի ծնողները՝ ամերիկացի գրականագետներ և լրագրողներ Միխայիլ Կոյֆման և Լայլա (Սառա Սոլոմոնովա) Ռաբինովիչն (1887-1964 թվականներ) են։ Ծնվել է Բեռլինում, որտեղ նրա հայրը սովորում էր Բեռլինյան համալսարանի բժշկական ֆակուլտետում։ Մանկությունը (Առաջին համաշխարհային պատերազմի սկիզբից) անց է կացրել Օդեսայում, 1923 թվականի դեկտեմբերից՝ ԱՄՆ-ում։ Սկզբում ընտանիքը ապրում էր Բրոնքսում, իսկ մի տարի անց, երբ նրա հայրը բժշկությամբ զբաղվելու լիցենզիա ստացավ տեղափոխվեցին Նյու Յորք։

1934 թվականին գերազանց ավարտեց Նյու Յորքի Հանթեր քոլեջը, այնուհետև Կոլումբիայի համալսարանի գրականության մագիստրատուրան (1936 թվական)։ Տասը տարի աշխատել է անգլերեն լեզվի ուսուցչուհի Նյու Յորքի միջնակարգ դպրոցներում, այնուհետև Նյու Յորքի քաղաքային համալսարանում։

1930- ական թվականների վերջին սկսել է հրապարակել կարճ արձակ ստեղծագործություններ։ 1940-ական թվականներից Esquire ամսագրում հրապարակել է հեքիաթներ և սկետչեր, վերցնելով Բել Կաուֆման (Bel Kaufman) գրական կեղծանունը։

Բել Կաուֆմանի հիմնական ճանաչում բերեց ինքնակենսագրական և բազմիցս վերահրատարակված «Ներքև տանող աստիճանով դեպի վեր» վեպը՝ (անգլ.՝ Up the Down Staircase, 1965 թվական) հիմնված տարիների դասավանդման փորձի վրա։ Ամսագրային տարբերակով այն ի սկզբանե հրապարակվել է «Saturday Review»-ում 1962 թվականին, նոյեմբերի 17-ից։ Վեպը էկրանարկվել է ռեժիսոր Ռոբերտ Մալլիգանի կողմից՝ 1967 թվականին («Up the Down Staircase») գլխավոր դերում ՝ Սենդի Դեննիս։ 1969 թվականին վեպի հիման վրա Բել Կաուֆմանը հրապարակեց համանուն պիեսը։ Վեպը թարգմանվել է 16 լեզուներով և հրատարակվել վեց միլիոն տպաքանակով, իսկ նրա անվանումը՝ Up the Down Staircase վերածվեց իդիոմատիկ արտահայտության։

Կաուֆմանին է պատկանում «Սեր և նման բաներ...» (անգլ.՝ Love, etc.), «La Tigresse» հեքրաթների ժողովածուն, «This and That» ինքնակենսագրական ակնարկների գիրքը։ 2004 թվականին լույս տեսավ Օդեսայում մանկության տարիների հիշողությունների մասին պատկերազարդ գիրքը՝ «Odessa Memories»: Այլ ստեղծագործությունների շարքերում՝ «Կիրակի զբոսայգում» (Sunday in the Park, 1985 թվական), «Ամերիկայում արտասահմանում» (Abroad in America, 1976 թվական)։ Բել Կաուֆմանի պատմությունները՝ «Նամակ հանգուցյալ ուսուցչին» և «Ներքև տանող աստիճանով դեպի վեր» ընդգրկվել են «Արևմուտքը մոտ է» ժողովածույի մեջ։

Բել Կաուֆմանը հանդիսանում էր Կոլումբիայի համալսարանում իդիշի ուսումնասիրության բաժնի նախագահը։

Ընտանիք

Բժիշկ Սիդնի Գոլդստայնի հետ առաջին ամուսնությունից երեխաները՝ Ջոնաթան Գոլդսթայն (անգլ.՝ Jonathan Goldstine, ծնվել է 1942 թվականին)՝ Փենսիլվանիա նահանգի համալսարանի համակարգչային և ճարտարագիտական գիտությունների պրոֆեսոր և Թեա Գոլդսթայն (անգլ.՝ Thea L. Goldstine, ծնվել է 1944 թվականին), հոգեբան։

Ամուսինը՝ Սիդնի Գլակ (անգլ.՝ Sidney J. Gluck, ծնվել է՝ 1917 թվականին), Նոր դպրոցի սոցիալական հետազոտությունների քաղաքատնտեսության պրոֆեսոր, Շոլոմ-Ալեյխեմի հիմնադրամի նախագահ (The Sholem Aleichem Memorial Foundation): Ըստ Կաուֆմանի «Նա ունի հինգ մասնագիտություններ։ Եղել է պրոֆեսոր-մարքսիստ։ Հեռուստատեսությունում ուներ ծրագիր Չինաստանի մասին։ Նա նկարիչ է, լուսանկարիչ է։ Նա գլխավորում է Շոլոմ-Ալեյխեմի հիմնադրամը»։

Եղբայրը՝ Շերվին Կաուֆման (անգլ.՝ Sherwin Allen Kaufman, ծնվել է 1920 թվականին), մանկաբարձ-գինեկոլոգ, կոմպոզիտոր և երգահան, գինեկոլոգիայի, անպտղության բուժման, ծննդօգնության կազմակերպչական հարցերի մասին մի շարք գիտական և սիրված գրքերի հեղինակ։

Երկու հորաքույրները՝ Բասյա (Բերտա) Կոյֆմանը և Ուդլ (Ադել) Կոյֆմանը՝ ամուսնացած էին հրեա գրողների հետ։

Ստեղծագործություններ

1964 թվական՝ «Ներքև տանող աստիճանով դեպի վեր»
1979 թվական՝ «Սեր և նման բաներ...»

Գրքեր

Up the Down Staircase (վեպ)։ Pan Books, 1964 թվական։
Bel Kaufman’s Up the Down Staircase (պիես)։ The Dramatic Publishing, 1969 թվական։
Love, etc. (վեպ), Prentice Hall, 1979 թվական Open Road, 2012 թվական։
This and That: Random Thoughts and Recollections: Open Road, 2012 թվական։
La Tigresse and Other Short Stories. Open Road, 2013 թվական։

Ծանոթագրություններ

Արտաքին հղումներ

Интервью с Бел Кауфман. 2001 г. Журнал «Чайка».
Да, я его внучка! Արխիվացված 2008-10-12 Wayback Machine: Интервью Александру Бураковскому. // Vestnik.com № 10 (321), 14 мая 2003.
Привет, училка!: Интервью Татьяне Бек. // Независимая газета, 29 октября 2004.
Всё, что написано и снято про школу, это повторение «Вверх по лестнице, ведущей вниз» Интервью Анастасии Орлянской // OpenSpace, 11 января 2011.
Бел Кауфман 100 лет. С днем рождения, Беллочка!
Бел Кауфман: «100 лет прожила, но я этого не чувствую.» Видео-интервью на портале RUNYweb.com
БЕЛ КАУФМАН в ЭНЦИКЛОПЕДИИ РУССКОЙ АМЕРИКИ

Վիքիպահեստն ունի նյութեր, որոնք վերաբերում են «Բել Կաուֆման» հոդվածին։

This article uses material from the Wikipedia Հայերեն article Բել Կաուֆման, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Բովանդակությունը թողարկված է CC BY-SA 4.0 թույլատրագրով, եթե այլ բան նշված չէ։ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Հայերեն (DUHOCTRUNGQUOC.VN) is an independent company and has no affiliation with Wiki Foundation.