Անուշավան Դանիելյան
Անուշավան Սուրենի Դանիելյան (օգոստոսի 1, 1956(1956-08-01), Բոլնիս-Խաչեն, Բոլնիսի շրջան, Վրացական ԽՍՀ, ԽՍՀՄ), հայ քաղաքական գործիչ։ ԼՂՀ վարչապետ (1999-2007)։
- Վիքիպեդիայում կան հոդվածներ Դանիելյան ազգանունով այլ մարդկանց մասին։
| Արկադի Ղուկասյան | ||||
| ||||
|---|---|---|---|---|
| 1999 - 2007 | ||||
| Նախորդող | Ժիրայր Պողոսյան | |||
| Հաջորդող | Արայիկ Հարությունյան (Արցախի նախագահ) | |||
| Կուսակցություն՝ | անկախ քաղաքական գործիչ | |||
| Կրթություն՝ | Տավրիդայի Վ. Ի. Վերնադսկու անվան ազգային համալսարան | |||
| Մասնագիտություն՝ | քաղաքական գործիչ | |||
| Ծննդյան օր | օգոստոսի 1, 1956 (67 տարեկան) | |||
| Ծննդավայր | Բոլնիս-Խաչեն, Բոլնիսի շրջան, Վրացական ԽՍՀ, ԽՍՀՄ | |||
| Քաղաքացիություն |  ԽՍՀՄ,  Ուկրաինա և  Արցախ | |||
Կենսագրություն
1975-1977 թթ. ծառայել է խորհրդային բանակի շարքերում։ Զորացրվելուց հետո կոմերիտական և կուսակցական աշխատանքի է անցել Մարնեուլի լեռնահարստացուցիչ կոմբինատում։ 1985 թ. ավարտել է Սիմֆերոպոլի պետական համալսարանը։ 1983-1987 թթ. աշխատանքի է անցել Ղրիմի ԼԿԵՄ մարզկոմում, պաշտոնավարել նախ իբրև հրահանգիչ, ապա՝ բաժնի վարիչ։
1987-1990 թթ. աշխատել է որպես ԽՍՀՄ ատոմային էներգետիկայի նախարարության Սիմֆերոպոլի պրոֆտեխնիկական ուսումնարանի տնօրենի տեղակալ։ 1990-1998 թթ. նրա գործունեությունը կապված է Ղրիմի Հանրապետության Գերագույն Խորհրդի հետ, ուր սկզբում վարել է միջպետական և ազգամիջյան հարցերի մշտական հանձնաժողովի նախագահի, ապա՝ Խորհրդարանի նախագահի առաջին տեղակալի պաշտոնը։ Գլխավորել է Գերագույն Խորհրդի Սահմանադրական հանձնաժողովը։
1989-1996 թթ. եղել է Ղրիմի հայկական ընկերության նախագահը։ Այժմ նա համարվում է այդ նույն ընկերության պատվավոր նախագահը։ 1994 թ. ընտրվել է Համաշխարհային հայկական կոնգրեսի նախագահ։ 1998 թ. Ղրիմի տնտեսության վերականգնման «Կրիմսկի պրոեկտ» ծրագրի համահեղինակն է։ 1999 թ. Երևանի կաբելի գործարանի գլխավոր տնօրենն էր։
1999-2007 թթ. վարել է Լեռնային Ղարաբաղի Հանրապետության վարչապետի պաշտոնը։
Անուշավան Դանիելյանը հանդիսանում է Աշխարհի ժողովուրդների հոգևոր միասնության, ինչպես նաև՝ Բնության և հասարակության մասին գիտությունների միջազգային ակադեմիաների ակադեմիկոս։
Ծանոթագրություններ
This article uses material from the Wikipedia Հայերեն article Անուշավան Դանիելյան, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Բովանդակությունը թողարկված է CC BY-SA 4.0 թույլատրագրով, եթե այլ բան նշված չէ։ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Հայերեն (DUHOCTRUNGQUOC.VN) is an independent company and has no affiliation with Wiki Foundation.