Muhammadu Sanusi I

Shine babban ɗan sarki Abdullahi Bayero. Ya kasance sarki mai cikakken iko wanda ke da tasiri sosai a cikin mulkin mallaka na Arewacin Najeriya . Ya karɓi baƙuncin Sarauniya Elizabeth ta II a lokacin da ta ziyarci Kano a shekarar alif 1956. Rikicin iko tsakaninsa da ɗan uwansa na nesa Sir Ahmadu Bello Sardaunan Sakkwato da kuma zargin kuɗi ya sa aka sauke shi, sannan kuma ya yi gudun hijira zuwa Azare a shekarar alif 1963. Jikansa, Sanusi Lamido Sanusi, tsohon Gwamnan Babban Bankin Najeriya shi ne Sarkin Kano na shekarar 2014– zuwa shekara ta 2020. Sanusi na cikin Khalifofin Sheikh Ibrahim Niass jagoran Ɗariqar Tijjaniyya.

Muhammadu Sanusi I
Masarautar Kano 22 Oktoba 1953 - 1963 ← Abdullahi Bayero - Muhammadu Inuwa (en) →
Rayuwa
Haihuwa	Kano,
ƙasa	Najeriya
Ƴan uwa
Mahaifi	Abdullahi Bayero
Yara	view Aminu Sanusi (en)
Ahali	Ado Bayero
Sana'a
Kyaututtuka	gani Knight Commander of the Order of the British Empire
Imani
Addini	Musulunci

 

An haifi Muhammad Sanusi ne daga babban dangin Abdullahi Bayero, Sarkin Kano, a cikin ‘yan’uwansa akwai Sarki mai jiran gado, Ado Bayero . Shi ne ɗa na biyu na Bayero amma babban wansa ya mutu tun yana ƙarami. Yayi karatun sa a makarantar wudil ta Kano. Kafin ya zama Sarki, Sanusi ya riƙe muƙamin Ciroman Kano kuma a shekara ta alif 1947, ya zama ɗan Majalisar yankin. Sanusi yana da kusanci sosai da Ibrahim Niass da Tijani Sufi, na wani lokaci, ya raka Niass zuwa aikin hajji a Makka sannan daga baya aka naɗa shi Halifa na umarnin tijjaniyyah a Najeriya. An kuma naɗa shi minista ba tare da mukaminsa ba a 1958 tare da sauran sarakuna kamar Usman Nagogo . A cikin littafin nasa mai suna 'An Imperial Twilight', Sir Gawain Bell ya ba da labarin yadda ya naɗa Sarki Sanusi don ya yi aiki a matsayinsa na Gwamnan Arewacin Najeriya na tsawon watanni shida a shekara ta alif 1957.

• Sir Ahmadu Bello, da Muhammadu Sanusi I Na Ziyartar Majalisar Dinkin Duniya, Birnin New York, Yuli 1960