Upas
Devadhrmak pallo divonk ani vrotacho nem' mhunn omukuch kallameren jevi-khai nastona raup, haka upas mhonnttat.
Romi |
Upas ho xobd somskrit ‘upvas’ hea xobdachem opbhronx rup asa. Somskritant ‘upoxonn’ hoi anik ek xobd asa. Upasachea kallant pott ritem uril'lean monxache kuddichea vingodd vingodd ovyvank usont mellil'lean, monxachi bholaiki sudrota ani monak xanti melltta. Hea karnnak lagun kuddiche ani monache vikar unne zatat, oxem mhonnttat. Monxachi kudd ani mon hanche bholaikekhatir upasachi yeuzonn zali asumye ani ti protyokxant haddpak sopi zauchi mhunn tika dhormik mhot'tv dilam zaumye.
Upas ho patok na korpacho marg, oxem goutom' dhormosutrant boroilam. Ved vochon pallun yogone-dan, top, upas he pormexrvor praptiche marg asat oxem brihodarnnyokant mhollam. Topachea vegvegllea prokarant upasachem mhotv ani vhoddponn asa oxem mohabharotant sanglam. Monusmriti ani her smritigronthant somajik patkamposun mukti mellpakhatir upasachem praixchit sanglam.
Upasacho kall eka disaposun eka mhoineameren asum yeta. Tin, panch ani sat disanchea toxench mhoineachea ani vorsachea upasa disa thoddea promannant ahar korpak disanchea toxench mhoineachea ani vorsachea upasa disa thoddea promannant ahar korpak manyotai asa. Dhormoxastrant ekadis, prodox, xivratr, ramnom', zonmaxttom', horitaloka tritiya hea disa purnn upas kortat. Somvar, xenvar adi varanchea upasadisa disantlean ek fautt jeunn ghetat. Sonkxtti disa chondrodoi uprant ani vinaiki disa donporam jeutat.Kaim zann dok legit piyronasotona upas kortat, zaka nirzol upas mhonnttat.
Khorem mhollear upas khor ritin pallpacho, hacher dhormoxastrant bhor ditat. Punn oso nikhtto ipas chodd korun konn korinat. Jeunnacho poryai mhonnun dud ani follar ghetat. Kellim, ambe, chiku, drakxam, kalling, ponnos oxim follam upasak khatat. Toxench dudi, kellim, bhendde, bottatt oxeo chiku, drakxam, kalling, ponnos oxim follam upasak khatat. Toxench dudi, kellim, bhendde, bottatt oxeo kaim bhajeoi upasak khatat. Kaim lok upasadisa voream tandllache, roveache va xabudanneache podarth korun khatat.
Puri, loramv, muganchem konn'nn, gomvanchi chopati adi khaun upas pallpachi chal asa.Kiristamv dhormant tanteam, nustem adi podarthanchem seun korpak manyotai asa. Musloman dhormant romzanocho mhoino upasacho mantat. Ten'na tankam ratcho eka khasa vellar ahar gheupak zata. Yohudi (jyu) ani kiristamv dhormant sobbadh ani lentt (ox vensdde te isttor merenocho kall) he upasache dis thorail'le astat. Musloman ani kiristamv hanchebhoxen zoin,boudhd ani hindu hankaim upasachem mhotv asa. Patkamposun mukti melloupakhatir ani praixchit mhunn upasachem vrot soumy va khor ritin pallpachi tancheant chal asa.
Xastrapromann upasachea disamni onzon, gondh, fulam mallop, vosti ghalop, pan khaup adi vorjy asta. Lhan bhorgim ani duyent monis hanchekhatir upasache nem' soumy korpachi mekllik asa.
Chit'toxudhdikhatir ani herankoddlean zaupi oteacharachem praixchit mhunn mohatma zandhin upas kelo. Ho upas rajki cholloullisombondi axil'lean bhartachea rajki itihasant gandhichea upasak ek khaxeli sovat asa.
Jen'na ekadro monis goribik lagun va her khoinchyai karnnak lagun on'n gheunk pauta, ten'na to upaxi urta. Ho upasacho prokar nhoi.
Polleiat
This article uses material from the Wikipedia गोंयची कोंकणी / Gõychi Konknni article Upas, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). हातूंतलो मजकूर CC BY-SA 4.0च्या अंतर्गत उपलब्ध आसा जे मेरेन हेर नोंदी करूक नात. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki गोंयची कोंकणी / Gõychi Konknni (DUHOCTRUNGQUOC.VN) is an independent company and has no affiliation with Wiki Foundation.