Weimar

Para o municipio chamado Weimar, véxase Weimar, Lahn.
Para a cidade de Texas, véxase Weimar, Texas.

Está situada a beiras do río Ilm e ao pé da montaña Ettersberg, no Bundesland de Turinxia (alemán Thüringen). A súa poboación actual é de 64.594 habitantes (31 de decembro de 2005), o cal convértea na cuarta cidade máis grande de Turinxia, logo de Erfurt, Gera e Jena. Ademais, é unha das poucas cidades grandes deste estado, cuxa poboación aumenta anualmente. O rexistro máis antigo da cidade data do ano 899.

Weimar

Localización
50°58′52″N 11°19′46″L / 50.9811, 11.329411°19′46″L / 50.9811, 11.3294
Estado	Alemaña
Estado federado	Turinxia
Capital de	Saxe-Weimar (en) (1572–1809) Grão-Ducado de Saxe-Weimar-Eisenach (pt) (1809–1918) Kreis Weimar-Land (en) (1952–1994)
Contén a división administrativa	Ehringsdorf (en) Gaberndorf (en) Gelmeroda (en) Legefeld (en) Niedergrunstedt (en) Oberweimar Possendorf (Weimar) (en) Schöndorf (en) Süßenborn (en) Taubach (en) Tiefurt (en) Tröbsdorf (en)
Poboación
Poboación	65.620 (2022) (776,75 hab./km²)
Xeografía
Superficie	84,48 km²
Bañado por	Ilm (en)
Altitude	208 m
Punto máis alto	Ettersberg (en)
Comparte fronteira con	Weimarer Land
Organización política
• Xefe do goberno	Peter Kleine (pt) (2018–)
Membro de	Gemeinde- und Städtebund Thüringen (pt) Mayors for Peace (en) (2015–)
Identificador descritivo
Código postal	99423, 99425 e 99427
Fuso horario	UTC+01:00, horario estándar UTC+02:00, horario de verán
Prefixo telefónico	03643 e 036453
Código NUTS	DEG05
Número de municipio alemán	16055000
Outro
Irmandado con	Hämeenlinna (1970–) Tréveris (1987–) Siena (1994–) Blois (1995–) Zamość (2012–)
Páxina web	weimar.de

Weimar é un dos lugares con maior riqueza cultural de Europa, xa que foi fogar de grandes personaxes como o pintor Lucas Cranach o Vello, o reformador Martiño Lutero, o compositor Johann Sebastian Bach, os escritores Johann Wolfgang von Goethe, Friedrich Schiller e Christoph Martin Wieland, os filósofos Johann Gottfried von Herder, Friedrich Wilhelm Nietzsche e Arthur Schopenhauer, o músico Franz Liszt e os fundadores da escola de deseño, arte e arquitectura Bauhaus.

Foi un lugar de peregrinación para a intelectualidade alemá, desde que Goethe se trasladou por primeira vez á cidade a finais do século XVIII. Na cidade pódense atopar as tumbas de Goethe, Schiller, e Nietzsche, así como o Arquivo de Goethe e Schiller, o Arquivo Estatal de Turinxia, o Arquivo Musical de Turinxia e a Biblioteca da princesa Anna Amalia.

Durante o período da Historia de Alemaña de 1919-1933 fálase da República de Weimar, pola constitución da República, que foi redactada na cidade, mentres que a capital, Berlín, cos seus disturbios rueiros logo da revolución de 1918, foi considerada demasiado perigosa para convocar á Asemblea Nacional constituínte.

Weimar foi o centro do movemento Bauhaus e actualmente ten diversas galerías de arte, museos, o Teatro Nacional Alemán, e dous institutos de educación superior: a Universidade Bauhaus e a Escola Superior de Música Franz Liszt. Durante a segunda guerra mundial, houbo un campo de concentración ao noroeste da cidade, en Buchenwald, un pequeno bosque ao que Goethe gustáballe frecuentar. Con todo, a diferenza de moitas outras cidades alemás, Weimar non sufriu demasiados danos durante esta guerra, polo que o seu centro antigo consérvase no seu maior parte.

A parte clásica de Weimar é considerada Patrimonio da Humanidade pola UNESCO desde 1998. Igualmente, a cidade foi seleccionada Capital Europea da Cultura en 1999.

A Bauhaus e os seus sitios en Weimar, Dessau e Bernau
Universidade Bauhaus.
Patrimonio da Humanidade - UNESCO
País	Alemaña
Tipo	Cultural
Criterios	II, IV VI
Inscrición	1996 (20ª sesión)
Rexión da UNESCO	Europa e América do Norte
Identificador	729
v c e

Weimar clásico
Estatua de Goethe e Schiller fronte ao Teatro Nacional Alemán.
Patrimonio da Humanidade - UNESCO
País	Alemaña
Localización	50°59′00″N 11°19′00″L / 50.98333, -11.31667
Tipo	Cultural
Criterios	III, VI
Inscrición	1998 (22ª sesión)
Rexión da UNESCO	Europa e América do Norte
Identificador	846
v c e

• Hämeenlinna (Finlandia) - 6 de setembro do ano 1970.
• Trier ou Tréveris (Alemaña) - 24 de maio do ano 1987.
• Siena ou Sena (Italia) - 15 de abril do ano 1994.
• Blois (Francia) - 19 de febreiro do ano 1995.

Predecesor:   Estocolmo

Capital Europea da cultura 1999

Sucesor:   Aviñón   Bergen   Boloña   Bruxelas   Cracovia   Helsinqui   Santiago de Compostela   Reiquiavik   Praga

Outros artigos

• República de Weimar

Ligazóns externas

• Páxina oficial (en alemán)
• Páxina oficial (en inglés)
• Galerías de arte en Weimar (en inglés)
• Museo Ginkgo, Weimar (en inglés)