Atletismo Maratón
O maratón é unha proba deportiva incluída dentro do atletismo.
É unha carreira pedestre cun percorrido de 42 195 m, conmemorativa da vitoria de Maratón dos gregos sobre os persas.
Historia da proba
Durante moito tempo, as mulleres foron excluídas, a pesar dalgúns casos como Stamata Revithi (no 1896), que non foron incluídos en resultados oficiais. Marie-Louise Ledru está acreditada como a primeira muller en completar un maratón, en 1918. Violet Piercy é a primeira muller que ten un tempo oficial, conseguido en 1926. O maratón feminino foi introducido nas Olimpíadas de verán de 1984 (Os Ánxeles, USA) e foi gañado por Joan Benoit (USA, 2 h 24 min 52 s).
A proba de maratón máis antiga do mundo é a de Boston, que se celebra desde 1897. O estadounidense John A. Kelley completou a proba 61 veces (entre 1928 e 1992), gañándoa en dúas ocasións (1935 e 1945).
Probas relacionadas
O medio maratón é tamén unha proba recoñecida oficialmente. Así mesmo, gozan de popularidade o ultramaratón e mais o ironman.
| Distancias olímpicas para o maratón | |
| Ano | Distancia (km) |
|---|---|
| 1896 | 40 |
| 1900 | 40,26 |
| 1904 | 40 |
| 1906 | 41,86 |
| 1908 | 42,195 |
| 1912 | 40,2 |
| 1920 | 42,75 |
| 1924 e sucesivas | 42,195 |
Notas
Véxase tamén
Ligazóns externas
Livestrong: Marathon statistics
This article uses material from the Wikipedia Galego article Maratón (atletismo), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Todo o contido está dispoñible baixo a licenza CC BY-SA 4.0, agás que se indique o contrario. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Galego (DUHOCTRUNGQUOC.VN) is an independent company and has no affiliation with Wiki Foundation.