Ken Follett: Novelista británico
Ken Follett, nado o 5 de xuño de 1949 en Cardiff, é un escritor galés, autor de obras de suspense e novelas históricas.
Este artigo precisa de máis fontes ou referencias que aparezan nunha publicación acreditada que poidan verificar o seu contido, como libros ou outras publicacións especializadas no tema. Por favor, axude mellorando este artigo. (Desde marzo de 2018.) |
As vendas das súas obras superan os 100 millóns de copias, o cal o converte nunha das figuras máis importantes da literatura contemporánea.
Traxectoria
Naceu en Cardiff, mais ós dez anos a súa familia trasladouse a Londres. En 1967 foi admitido no University College of London, onde estudou Filosofía e entrou en contacto con movementos de esquerdas, espertándose así o seu interese pola política.
Casou por primeira vez en 1968, ano en que naceu o seu fillo máis vello. Tras un posgrao en xornalismo comezou a súa carreira como reporteiro en modestos xornais galeses. Co tempo abandonaría o xornalismo polo mundo da edición, como director da pequena editorial londiniense Everest Books (1970).
Foi neste momento cando comezou a escribir, como unha afección para o seu tempo de lecer. Con Eye of the needle, publicada en 1978 chegaría para o autor o éxito e o recoñecemento internacional.
Sería tamén nestes derradeiros anos da década dos 70, e nos primeiros 80, cando se uniu de xeito máis estreito co Partido Laborista británico. A súa segunda muller é hoxe deputada desta formación no parlamento británico.
Obra
Tras Eye of the needle e o éxito acadado con esta obra, Follett comezaría a centrarse no xénero da espionaxe e a intriga, libros de lectura áxil e rápida, como Triangle,The key to Rebecca, Lie down with lions, The Man from St. Petersburg, A dangerous fortune, On wings of eagles e The Third Twin.
Porén, a súa obra máis imporante e un dos best-séllers máis importantes de finais do século XX e comezos do XXI é The Pillars of the Earth (1989), no se afasta do xénero predominante no autor. The Pillars of the Earth é unha novela histórica ambientada na Idade Media, e iría acadando o éxito paseniñamente o longo da década dos 90.
En 2007 presentou a segunda parte, World Without End.
Listaxe
A súa obra completa é a seguinte:
- 1974 – The Big Needle e The Big Black baixo o pseudónimo de 'Symon Myles'.
- 1975 – The Big Hit por 'Symon Myles' e The Shakeout por Ken Follett.
- 1976 – Modigliani Scandal por 'Zachary Stone'; The Mystery Hideout por Ken Follett; The Power Twins por 'Martin Martinsen' e Amok: King of Legend por 'Bernard L. Ross'.
- 1977 – Paper Money por 'Zachary Stone'.
- 1978 – Capricorn One por 'Bernard L. Ross' e Eye of the needle/ Eye of the Needle por Ken Follett.
- 1979 – Triangle/Triple.
- 1980 – The Key to Rebecca.
- 1982 – The Man from St. Petersburg.
- 1983 – On Wings of Eagles.
- 1986 – Lie Down with Lions
- 1989 – The Pillars of the Earth.
- 1991 – Night Over Water.
- 1993 – A Dangerous Fortune.
- 1995 – A Place Called Freedom.
- 1996 – The Third Twin.
- 1998 – The Hammer of Eden.
- 2000 – Code to Zero.
- 2001 – Jackdaws.
- 2002 – Hornet Flight.
- 2004 – Whiteout.
- 2007 – World Without End.
- 2010 – Fall of Giants.
- 2012 – Winter of the World.
- 2014 – Edge of Eternity.
- 2017 – A Column of Fire.
- 2020 – The Evening and the Morning.
Véxase tamén
Ligazóns externas
This article uses material from the Wikipedia Galego article Ken Follett, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Todo o contido está dispoñible baixo a licenza CC BY-SA 4.0, agás que se indique o contrario. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Galego (DUHOCTRUNGQUOC.VN) is an independent company and has no affiliation with Wiki Foundation.