Gran Premio Do Brasil De 2000

Foi a segunda carreira da tempada 2000 da Fórmula Un. A carreira foi o 29º Gran Premio do Brasil e o 19º que se celebrou no Autódromo José Carlos Pace. A carreira realizouse sobre 71 voltas ao circuíto de 4´3 quilómetros para unha distancia total de 306 quilómetros.

Gran Premio de Brasil de 2000

Detalles da carreira
Carreira 2 de 17 no Campionato Mundial de Fórmula 1 de 2000.
Trazado do circuíto de Interlagos.
Data	26 de marzo 2000
Nome oficial	XXIX Grande Prêmio do Brasil
Localización	Autódromo José Carlos Pace São Paulo, Brasil
Percorrido	Percorrido permanente de carreira 4´309 km
Distancia	71 voltas, 305´909 km
Clima	Asollado 30ªC
Pole position
Piloto	Mika Häkkinen	McLaren-Mercedes
Tempo	1:14.111
Volta rápida
Piloto	Michael Schumacher	Ferrari
Tempo	1:14.755 na volta 48
Podio
Primeiro	Michael Schumacher	Ferrari
Segundo	Giancarlo Fisichella	Benetton-Playlife
Terceiro	Heinz-Harald Frentzen	Jordan-Mugen-Honda

A carreira gañouna o piloto alemán, Michael Schumacher pilotando un Ferrari F1-2000. A vitoria foi a segunda vitoria consecutiva de Schumacher na tempada. Schumacher gañou por 40 segundos ao piloto italiano Giancarlo Fisichella pilotando un Benetton B200. O piloto alemán Heinz-Harald Frentzen terminou a terceira pilotando un Jordan EJ10.

Cualificación

A cualificación deixou a Mika Häkkinen na pole position con David Coulthard segundo. Michael Schumacher foi terceiro, Rubens Barrichello cuarto, Giancarlo Fisichella quinto e Eddie Irvine foi sexto. A sesión foi interrompida tres veces, en cada ocasión porque unha valla publicitaria montada sobre o circuíto rompeu e caeu na pista. Na terceira ocasión, unha das táboas de cartón laminado foi golpeada polo Prost de Jean Alesi cando caeu.

Carreira

Cando comezou a carreira, Häkkinen e Schumacher fixeron unha boa saída pero Coulthard foi máis lento e caeu detrás de Schumacher. Así, a orde foi Häkkinen líder seguido de Schumacher con Coulthard terceiro, Barrichello cuarto, Eddie Irvine quinto e Fisichella sexto. Pronto Schumacher intentou atopar o xeito de pasar a Häkkinen e Barrichello atacaba a Coulthard. Schumacher pasou polo interior a Häkkinen na S de Senna na segunda volta mentres Barrichello fixo o mesmo con Coulthard. Cometeu un erro permitindo a David adiantalo de novo pero recuperouse e pasou a Coulthard ao final da volta. Pronto quedou claro que os dous Ferraris estaban nunha estratexia de dúas paradas e Barrichello pronto estivo na parte traseira de Häkkinen, intentando adiantalo. Schumacher sacaba un segundo por volta a Häkkinen.

Detrás dos líderes, Trulli pasou a Irvine no quinto lugar, pouco despois de que Barrichello conseguise pasar a Häkkinen polo segundo posto na volta 15. Na volta 20, Schumacher tiña unha vantaxe de 20 segundos sobre os McLarens e entrou en boxes. Regresou no terceiro lugar pero quedou segundo cando Barrichello entrou a boxes dúas voltas máis tarde. Mentres tanto, na volta 21, Irvine estrelouse, pero non saíu o coche de seguridade. Agora toda a atención estaba na fenda entre Häkkinen e Schumacher que non se pechaba. Estaba estabilizándose e o foi o mesmo caso con Coulthard terceiro e Barrichello cuarto. Pero no espazo de tres voltas, a carreira volveuse do reves na volta 27, Barrichello no cuarto lugar comezou a botar fume. Tres voltas máis tarde, Häkkinen entrou en boxes, cousa rara xa que era demasiado cedo para entrar se ía a unha parada e demasiado tarde se ía a facer un par de paradas. Pronto quedou claro que non era unha parada programada para Mika, senón unha parada que sinalou a súa retirada.

Despois da parada do Trulli na volta 28, Jos Verstappen quedou en terceiro lugar durante sete voltas no Arrows, pero devolveullo a Fisichella cando entrou en boxes. Os dous Williams de Ralf Schumacher e Jenson Button con Fisichella e Heinz-Harald Frentzen marchaban todos xuntos e todos eles ían a unha única parada. Na parte dianteira, Coulthard e Schumacher mantiñan un ritmo similar pero Schumacher sempre foi cómodo. Ralf e Button entraron en boxes na volta 44 e 45 respectivamente na batalla polo último punto. Pero Ralf saíu uns poucos metros diante de Verstappen e Button uns poucos metros detrás del. Nas voltas que seguiron, Ralf puido alonxarse mentres Button quedou atrapado detrás de Jos ata que realizou unha fermosa manobra de adiantamento na volta 57. Trulli fixo a súa segunda parada na volta 56 e saíu quinto. Ralf quedou cómodo no sexto posto por diante de Button. Verstappen e Pedro de la Rosa foron oitavo e noveno. Mentres tanto, o ritmo comezou a caer e a orde quedou así ata o final.

Post-carreira

Despois da carreira, logo das verificacións técnicas coñeceuse que os seis primeiros coches agás Fisichella foran descalificados porque tiñan problemas cos seus pisos de madeira. Os equipos apelaron, pero mentres a FIA examinaba de novo os coches, decatáronse de que as ás dianteiras do coche de Coulthard eran 7 mm inferiores áo permitido legalmente. Así, a posición de todos agás Coulthard foi reintegrada e ao facelo promocionou a Jenson Button á sexta posición, dando ao británico o seu primeiro punto no Campionato Mundial.

O 6 de abril de 2000, o World Motorsport Council multou con 100.000 dólares aos organizadores, logo de convocalos en París debido a caída dunha valla de seguridade na recta principal, pasando moi preto de Jean Alesi. Consideráronse como "circunstancias excepcionais".

Cualificación

Pos.	Nº	Piloto	Construtor	Tempo	Diferenza
1	1	Mika Häkkinen	McLaren-Mercedes	1:14.111
2	2	David Coulthard	McLaren-Mercedes	1:14.285	+0.174
3	3	Michael Schumacher	Ferrari	1:14.508	+0.397
4	4	Rubens Barrichello	Ferrari	1:14.636	+0.525
5	11	Giancarlo Fisichella	Benetton-Playlife	1:15.375	+1.264
6	7	Eddie Irvine	Jaguar-Cosworth	1:15.425	+1.314
7	5	Heinz-Harald Frentzen	Jordan-Mugen-Honda	1:15.455	+1.344
8	23	Ricardo Zonta	BAR-Honda	1:15.484	+1.373
9	10	Jenson Button	Williams-BMW	1:15.490	+1.379
10	22	Jacques Villeneuve	BAR-Honda	1:15.515	+1.404
11	9	Ralf Schumacher	Williams-BMW	1:15.561	+1.450
12	6	Jarno Trulli	Jordan-Mugen-Honda	1:15.627	+1.516
13	12	Alexander Wurz	Benetton-Playlife	1:15.664	+1.553
14	19	Jos Verstappen	Arrows-Supertec	1:15.704	+1.593
15	14	Jean Alesi	Prost-Peugeot	1:15.715	+1.604
16	18	Pedro de la Rosa	Arrows-Supertec	1:16.002	+1.891
17	8	Johnny Herbert	Jaguar-Cosworth	1:16.250	+2.139
18	20	Marc Gené	Minardi-Fondmetal	1:16.380	+2.269
19	15	Nick Heidfeld	Prost-Peugeot	1:17.112	+3.001
20*	16	Pedro Diniz	Sauber-Petronas	1:17.178	+3.067*
21	21	Gastón Mazzacane	Minardi-Fondmetal	1:17.512	+3.401
22*	17	Mika Salo	Sauber-Petronas	1:18.703	+4.592*
107% tempo: 1:19.299
Fonte:

Fonte (tempos de cualificación):

* Os Sauber de Pedro Diniz e Mika Salo foron posteriormente retirados e non comezaron a carreira debido a fallos das ás traseiras que afectaban aos coches. O equipo decidiu que non era seguro correr.

Carreira

Pos	Nº	Piloto	Construtor	Voltas	Tempo/Retirada	Grella	Puntos
1	3	Michael Schumacher	Ferrari	71	1:31:35.271	3	10
2	11	Giancarlo Fisichella	Benetton-Playlife	71	+39.898	5	6
3	5	Heinz-Harald Frentzen	Jordan-Mugen-Honda	71	+42.268	7	4
4	6	Jarno Trulli	Jordan-Mugen-Honda	71	+1:12.780	12	3
5	9	Ralf Schumacher	Williams-BMW	70	+1 volta	11	2
6	10	Jenson Button	Williams-BMW	70	+1 volta	9	1
7	19	Jos Verstappen	Arrows-Supertec	70	+1 volta	14
8	18	Pedro de la Rosa	Arrows-Supertec	70	+1 volta	16
9	23	Ricardo Zonta	BAR-Honda	69	+2 voltas	8
10	21	Gastón Mazzacane	Minardi-Fondmetal	69	+2 voltas	20
Ret	8	Johnny Herbert	Jaguar-Cosworth	51	Caixa de cambios	17
Ret	20	Marc Gené	Minardi-Fondmetal	31	Motor	18
Ret	1	Mika Häkkinen	McLaren-Mercedes	30	Presión aceite	1
Ret	4	Rubens Barrichello	Ferrari	27	Hidráulica	4
Ret	7	Eddie Irvine	Jaguar-Cosworth	20	Trompo	6
Ret	22	Jacques Villeneuve	BAR-Honda	16	Caixa de cambios	10
Ret	14	Jean Alesi	Prost-Peugeot	11	Eléctrico	15
Ret	15	Nick Heidfeld	Prost-Peugeot	9	Motor	19
Ret	12	Austria Alexander Wurz	Benetton-Playlife	6	Motor	13
DSC	2	David Coulthard	McLaren-Mercedes	71	Descualificado (+4.302)	2
NTS	16	Pedro Diniz	Sauber-Petronas	0	Problemas de seguridade	0
NTS	17	Mika Salo	Sauber-Petronas	0	Problemas de seguridade	0
Fonte:

Clasificación no campionato de pilotos Pos Piloto Puntos 1   Michael Schumacher 20 2   Giancarlo Fisichella 8 3   Rubens Barrichello 6 4   Ralf Schumacher 6 5   Heinz-Harald Frentzen 4

Clasificación do campionato de construtores Pos Construtor Puntos 1   Ferrari 26 2   Benetton-Playlife 8 3   Jordan-Mugen-Honda 7 4   Williams-BMW 7 5   BAR-Honda 4

• Nota: Só están incluídos os cinco primeiros postos en ambos os grupos de clasificación.

46°41′59″O / -23.70361, -46.69972

Referencias

Ligazóns externas