Fuendetodos: Concello de Aragón

Coñécese sobre todo porque nunha das súas casas naceu o pintor Francisco de Goya no ano 1746.

Fuendetodos

Localización
41°20′29″N 0°57′34″O / 41.3413, -0.95950°57′34″O / 41.3413, -0.9595
Estado	España
Comunidade autónoma	Aragón
Provincia	Provincia de Zaragoza
Capital	Fuendetodos
Poboación
Poboación	150 (2023) (2,41 hab./km²)
Lingua oficial	lingua castelá (lingua predominante)
Xeografía
Parte de	Q107553238
Superficie	62,199203 km²
Altitude	750 m
Comparte fronteira con	Aguilón (pt) Valmadrid (pt) Puebla de Albortón (pt) Jaulín Almonacid de la Cuba Villanueva de Huerva (pt) Azuara (pt)
Organización política
• Alcalde	Joaquin Gimeno Salueña (en)
Identificador descritivo
Código postal	50142
Fuso horario	UTC+01:00
Prefixo telefónico	976
Código INE	50114
Páxina web	fuendetodos.org

O nome desta vila débese á Fuente Vieja (a fonte de todos) e nun principio chamouse Fuentedetodos. Dende o século XIV, a vila era dominio da familia Fernández de Heredia, coñecidos como Condes de Fuentes.

A poboación dedicouse tradicionalmente á agricultura de secaño e á gandería de ovino e caprino. Durante séculos, as canteiras de pedra caracoleña, exclusiva de Fuendetodos e a industria do xeo (chegou a haber 22 "neverones" ou neveiras que vendían o xeo principalmente ós mercados zaragozanos) achegaron importantes ingresos á vila. Hoxe en día adquiriu maior importancia a produción de enerxía eólica e sobre todo os servizos derivados do turismo (20 000 visitantes anuais).

Boa parte do concello está cuberto por piñeiro carrasco (Pinus halepensis), conservado por pertencer durante séculos ós Condes de Fuentes, pasando despois a propiedade municipal. Carrascas ou aciñeiras salpicadas polas serras testemuñan presenza previa do carrascal, con bosques caducifólios de lodoeiros, pradairos de montpellier e terebintos, nos que poden atoparse cinco especies de fentos.

Casa natal de Goya e o Museo do Gravado

A casa onde naceu o pintor español foi construída a comezos do século XVIII. A poucos metros estableceuse o Museo do Gravado, inaugurado en 1989, onde se exhibe a obra gráfica de Goya e todo o relacionado coas técnicas de gravado.

Ligazóns externas

• Páxina oficial (en castelán)

Este artigo sobre xeografía é, polo de agora, só un bosquexo. Traballa nel para axudar a contribuír a que a Galipedia mellore e medre.  Existen igualmente outros artigos relacionados con este tema nos que tamén podes contribuír.