8°24′40″O / 43.33972, -8.41111
O Recinto Feiral Expocoruña é a institución feiral da Coruña, que organiza salóns relacionados cos diferentes sectores económicos. Está situado en Someso.
Legalmente estrutúrase como a Fundación Instituto Ferial de A Coruña (IFECO) con carácter de entidade pública, conformada pola Xunta de Galicia, a Deputación da Coruña, o Concello da Coruña, a Confederación de Empresarios da Coruña e Abanca.
O proxecto do recinto feiral comezou o ano 2003. Porén, sufriu atrasos e aumentos de custos que elevaron o orzamento ata 37 millóns de euros, un 75% máis do presupostado. O edificio, deseñado por Luis Collarte, inaugurouse o 19 de febreiro de 2008.
Conta con 19 000 m2 cubertos e 8000 ao aire libre. Dispón tamén de salas multiúsos, aulas e despachos, ademais de aparcadoiro.
Algúns dos eventos organizados en Expocoruña son Expotaku, a Feira de Autónomos de Galicia ou o Salón do Vehículo de Ocasión.
Nas instalacións realízanse tamén espectáculos musicais como o Sónar 2010, presentacións, congresos e mitins políticos. Entre o 16 de outubro e o 13 de novembro de 2012 tivo lugar no recinto o xuízo pola catástrofe do Prestige.
En abril de 2020 habilitouse no recinto un hospital de campaña para empregar durante a pandemia por coronavirus.
Wiki Commons ten máis contidos multimedia na categoría: Expocoruña |
A Galipedia ten un portal sobre: A Coruña |
This article uses material from the Wikipedia Galego article Expocoruña, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Todo o contido está dispoñible baixo a licenza CC BY-SA 4.0, agás que se indique o contrario. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Galego (DUHOCTRUNGQUOC.VN) is an independent company and has no affiliation with Wiki Foundation.