Escroto

É unha extensión do abdome e atópase entre o pene e o ano.

Escroto
Escroto humano
Gray's	pág.1237
Arteria	Arteria escrotal anterior e Arteria escrotal posterior
Vea	Vea testicular
Nervio(s)	Nervios escrotais posteriores, nervios escrotais anteriores, genital branch of genitofemoral nerve, perineal branches of posterior femoral cutaneous nerve
Linfa	Ganglios linfáticos inguinais superficiais
Precursor	labioscrotal folds
MeSH	Scrotum

Nos humanos, ata a novena semana de xestación, o feto macho ou femia só presenta aínda dous túbulos labio-escrotais que darán na meniña os labia maiora da vulva e o escroto no meniño. Cara ó sétimo ou oitavo mes os testículos baixarán ás bolsas escrotais.

A función do escroto, é manter os testículos a unha temperatura inferior á do resto do corpo (34,4º celsius) para favorece-la produción de espermatozoides (espermatoxénese), a calor excesiva destrúe os espermatozoides. A regulación térmica efectúase grazas ó movemento reflexo do músculo cremáster que, contraendo o escroto, achega os testículos ó corpo cando vai frío e á inversa cando vai calor, favorecendo pola transpiración o mantemento dunha temperatura máis baixa.

 

A pel do escroto é particularmente permeable a numerosas moléculas, podería xogar un rol no sistema hormonal. O cirurxián inglés Percivall Pott (1714-1788) decatárase xa de que os nenos que foran empregados, polo seu pequeno tamaño, desenfeluxando chemineas eran máis propensos a desenvolver un cancro de escroto na idade adulta, cara ós 20 anos, o que foi un dos primeiros indicios das causas ambientais de certos cancros.

Aínda que a temperatura ideal varíe conforme a especie, nos animais de sangue quente parece haber unha maior necesidade de control, e de aí a necesidade e evolución do escroto, a pesar do riscos que representa por non ofrecer protección aos testículos.

Suponse que a fraca resistencia do esperma ás altas temperaturas, sirva para impedir que mulleres doentes (con febre), poidan empreñar.

Nos humanos e noutros mamíferos, o escroto fica coberto de pelos pubianos a partir da puberdade.