Economía De Moldavia
A economía de Moldavia, tradicionalmente agrícola, comezou despois da caída da Unión Soviética en 1991, do mesmo xeito que a maioría dos territorios ex-soviéticos, un acelerado proceso de industrialización, especialmente alimentaria (viño e azucre refinado).
A produción de refrixeradores, confección, materiais de construción e maquinaria agrícola é tamén significativa. O país é un dos países máis pobres da Europa, a pesar do recente crecemento da súa pequena economía.
| Economía de Moldavia | |
|---|---|
| Moeda | Leu moldovo (MDL) |
| Organizacións comerciais de que fai parte | OMC, GUAM, CEFTA |
| Datos estatísticos | |
| PIB | 12,56 mil millóns (2012) |
| Posición do PIB | 148ª no mundo |
| Crecemento do PIB | 3% (2012) |
| PIB per cápita | 3 500 (2012) |
| PIB por sector | agricultura 16.2%; industria 20%; servizos 63.8% (2012) |
| Inflación | 7.6% (2011) |
| Poboación abaixo da limiar de pobreza | dato non dispoñíbel |
| Total da forza de traballo | 1.216 millóns (2011) |
| Forza de traballo por sector | agricultura 40.6%; industria 16%; servizos 43.3% (2005) |
| Desemprego | 6.2%% (2011) |
| Parcerías comerciais | |
| Exportacións | $2,56 mil millóns (2012) |
| Importacións | $5,39 mil millóns (2012) |
| Finanzas públicas | |
| Débeda externa | $5 167 millóns (31 de decembro de 2012) |
| Ingresos | dato non dispoñible |
| Gastos | dato non dispoñible |
A agricultura emprega máis de 1/3 da súa forza de traballo. Sendo aínda un importante motor económico, perdeu peso por mor da acelerada industrialización. Con todo, conseguiu florecer de novo ante a crise do seu sector industrial. Actualmente, un 40% da poboación activa da República de Moldavia aínda se dedica á agricultura.
A produción agrícola moldova é variada: xirasol, tabaco, cereais, vide, hortalizas, remolacha azucreira e pataca. A gandaría é pouco significativa, e é principalmente bovina e porcina, ademais da cría de aves de curral.
Existe en Moldavia petróleo, aínda que en pouca cantidade, e extráese sal dalgunhas minas. É unha das ex repúblicas soviéticas máis pobres en recursos do subsolo explotados.
Como sucedeu no resto das antigas repúblicas que formaron a Unión Soviética, a economía moldova sufriu un forte retroceso tras a independencia. O conflito da República de Moldavia coa zona rebelde de Trans-Dniéster ou Transnistria agravou aínda máis a situación.
Moldavia mantén unha actividade comercial relativamente elevada con outros países europeos como Rusia, Ucraína, Italia, Alemaña ou Romanía.
Importacións e exportacións
| Exportacións a | Importacións de | ||
|---|---|---|---|
| País | Porcentaxe | País | Porcentaxe |
 Rusia | 32.9 % |  Ucraína | 20.9 % |
 Italia | 12.7 % | Rusia | 15.1 % |
| Ucraína | 9.5 % |  Romanía | 13.1 % |
| Romanía | 6.7 % |  Alemaña | 8.3 % |
| Alemaña | 4.5 % | Italia | 6.6 % |
| Outros | 33.7 % | Outros | 36 % |
Notas
 | Este artigo sobre economía é, polo de agora, só un bosquexo. Traballa nel para axudar a contribuír a que a Galipedia mellore e medre. Existen igualmente outros artigos relacionados con este tema nos que tamén podes contribuír. |
This article uses material from the Wikipedia Galego article Economía de Moldavia, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Todo o contido está dispoñible baixo a licenza CC BY-SA 4.0, agás que se indique o contrario. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Galego (DUHOCTRUNGQUOC.VN) is an independent company and has no affiliation with Wiki Foundation.