Cooperativa Do Val: Grupo cooperativo galego

Cooperativa do Val (Sociedade Cooperativa Galega) é un grupo cooperativo en servizos para os socios e clientes con base no Val (Narón). Baseado en produción de produtos de horta.

Cooperativa do Val
Cooperativa do Val
Tipo	Cooperativa
Fundación	1973
Matriz	Cooperativas de O Val, Sociedade Cooperativa Galega
Localización	Vilacornelle, s/n. Estrada C-116, km 5,5. 155541 - O Val (Narón)
Industria	Alimentación
Produtos	Produción agrícola, servizos, banca
Na rede
http://www.cooperativaoval.com
[ editar datos en Wikidata ]

O proxecto naceu na época final da ditadura franquista, da man dun grupo de sesenta persoas, que co tempo se converteron en cen medrando nun plan de cooperación colectivo, aberto ao progreso e ao desenvolvemento social e económico. Ese medrar en Narón estendeuse á comarca e co tempo a toda Galiza, onde vende os seus produtos e servizos.^{[Cómpre referencia]}

Os inicios da Cooperativa do Val están na desaparecida cooperativa de Castro, situación que xera desconfianza entre os labregos o que aínda fai máis difícil os seus inicios. A consolidación da cooperativa vén do conflito do leite. Na maior parte das familias os ingresos pola venda do leite eran a base da súa economía, as ameazas de deixar de recollelo, a pelexa con Leyma para acadar un acordo xusto durou ata o ano 1993. Sector o leiteiro xa desaparecido da economía da zona, situación que xa se vía vir ante a imposibilidade de competir coa cota láctea e o pequeno tamaño das explotacións.^{[Cómpre referencia]}

En 1975 créase a sección de crédito. Nos seus inicios con 600 000 pesetas e xa en 2012 supera os 18 millóns de euros. Sendo a sección que máis beneficios achega á cooperativa. O 75% dos cartos son depósitos dos veciños do Val.

No ano 1995 ponse en marcha a sección de horta, formada por máis de 40 familias que producen tomates, pementos (pemento do Couto), acelgas, leitugas, patacas e outros produtos da horta cunhas vendas dun millón de euros.

No ano 2000 prodúcese a integración coa Cooperativa de Serantes (Ferrol).

En 2002 creouse a Fundación Terra de Trasancos, debido a que a lei obriga ás cooperativas a reinvestir parte dos beneficios en servizos sociais. Dita Fundación ten como obxectivo de mellorar a calidade de vida da veciñanza, sobre todo a persoas maiores e nenos.

 

• O Val
  • Sección de Crédito
  • Sección de Horta
  • Sección de Agrotenda
  • Sección de Supermercado
  • Sección de Maquinaria
  • Sección de Viveiro de hortícolas
  • Sección de Seguros
  • Departamento de Compras
  • Departamento de Contabilidade
  • Departamento de Control
• Serantes - Xoane
  • Sección de Crédito
  • Sección de Supermercado
  • Sección de Agrotenda

Ligazóns externas

• Páxina web da Cooperativa do Val