Aliteración: Recurso estilístico
A aliteración é un recurso estilístico do compoñente métrico-fonolóxico.
Consiste na repetición no plano fónico, dado pola combinación repetida e expresiva de certos sons iguais ou afíns ó longo dun verso, estrofa ou poema. Segundo o fonema repetido pode ser consonántica ou vocálica. Ao mesmo tempo, pode ser eufónica se o resultado da repetición é harmónica e cacofónica cando o resultado é desagradábel. A retórica clásica sinalou os seguintes tipos de aliteración: iotacismo, repetición de /i/, lambadacismo, repetición de /l/, mitacismo, repetición de /m/ e polisigma cando son repetido é /s/.
Etimoloxía
A aliteración (do latín alliteratio, de ad- e littĕra letra) é un termo introducido a principios do século XVI polo humanista italiano Giovanni Pontano. Nos manuais antigos e medievais empregábase preferentemente o étimo homoeoprophoron (do grego ὁμοιοπρόφορον).
Exemplos
- En "Un repoludo gaiteiro" (Cantares Gallegos, Rosalía de Castro): Obsérvese a presenza de oclusivas en sílaba tónica
de pano sedán vestido,
como un príncipe cumprido
- En "Un repoludo gaiteiro" (Cantares Gallegos, Rosalía de Castro):
co tambor se acompasaba
- En "Penélope perde novelo nove" de Álvaro Cunqueiro:
perde novelo nove novamente canto
- En "Nocturnio" de Curros Enríquez, presenza de oclusivas:
detrás dos petoutos vai póndose o sol
retornan pros eidos coa noite as ovellas
- "Balada do vello mariñeiro" (Samuel Taylor Coleridge)
The furrow followed free;
We were the first that ever burst
- Love's Labours Lost (William Shakespeare)
- Arma virumque cano, Troiae qui primus ab oris (Virxilio)
- Maria Mater Misericordiae
Sancte sator, suffragator
Legum lator, largus dator
- Veni, vidi, vici. (Xulio César)
Véxase tamén
Outros artigos
This article uses material from the Wikipedia Galego article Aliteración, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Todo o contido está dispoñible baixo a licenza CC BY-SA 4.0, agás que se indique o contrario. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Galego (DUHOCTRUNGQUOC.VN) is an independent company and has no affiliation with Wiki Foundation.