Kim Kardashian
Kimberly Noel Kim Kardashian (Los Angeles, 21 oktober 1980) is in Amerikaanske styliste, aktrise, model en telefyzjebekendheid fan Armeensk, Nederlânsk en Skotsk komôf.
Se is fral bekend troch har turbulinte priveelibben, realityshow Keeping Up with the Kardashians. Teffens hat sy in moade- en in parfumline.
| Kim Kardashian | ||
 | ||
| Kim Kardashian (2019) | ||
| persoanlike bysûnderheden | ||
| echte namme | Kimberly Noel Kardashian | |
| nasjonaliteit |  Amerikaansk | |
| berne | 21 oktober 1980 | |
| berteplak | Los Angeles | |
| wurkpaad | ||
| berop/amt | styliste, aktriste, model, telefyzjebekendheid, aktiviste | |
| jierren aktyf | 2003-No | |
Famylje
Kardashian is de dochter fan de Iraanse Robert Kardashian (1944-2003), dy't bekend wurden is as abbekaat fan de destiids fan moard beskuldige O.J. Simpson. Har mem is Kris Jenner (Houghton, San Diego, 1955). Sy hat in âldere suster, Kourtney (1979), in jongere suster, Khloe (1984), in jongere broer, Robert Jr. (1987) en twa healsusters, dyt har mem krige mei atleet Bruce Jenner: Kylie en Kendall. Fia Jenner hat Kim Kardashian ek styfbroers Burton, Brandon en Brody en styfsuster Casey. Al dy sibben hawwe in rol yn de rige Keeping Up With The Kardashians, útsein Robert Kardashian, dy't nei syn skieding fan Kris Jenner oan kanker stoar.
Sekstape
Kardashian har priveelibben waard net folle oer praat oant der in fideobân foar it ljocht kaam dêr't op te sjen wie hoe't sy seks hie mei har freon fan doe R&B sjonger Ray J (de broer fan sjongster Brandy). Sy klage Vivid Entertainment oan, dy't de bân útbrocht hie. Nei in skikking fan fiif miljoen dollar luts sy de oanklacht yn.
Aktivisme
Kardashian stipet de erkenning fan de Armeenske genoside yn it iepenbier sa faak at sy kin en hat Barack Obama en it regear fan de Feriene Steaten oantrune de genoside ta te jaan.
Op 1 april 1 2010 die Kardashian mei oan Cyndi Lauper har Give a Damnkampanje dy't liede moast ta in breder bewustwêzen fan diskriminaasje fan de LGBT-mienskip yn it ramt fan har True Colors Fund. De kampanje rôp hetero's op om it op te nimmen foar homo's, lesbyske froulju, biseksuelen, transgenders en de diskriminaasje te stopjen.
Filmografy
| Filmografy as akteur | |||
| jier | titel | rol of funksje | opmerkings |
|---|---|---|---|
| Film | |||
| 2008 | Disaster Movie | Lisa | |
| 2009 | Deep in the Valley | Summa Eve | |
| 2013 | Temptation: Confessions of a Marriage Counselor | Ava | |
| 2016 | Zoolander: Super Model | As har sels (stimme) | |
| 2018 | Ocean's 8 | As har sels | Cameo appearance |
| 2021 | PAW Patrol: The Movie | Delores (stimme) | |
Televisie en oar wurk
- WrestleMania XXIV (maart 2008)
- WWE Raw (1 ôflevering, maart 2008)
- Fideoklip Thnks fr th Mmrs fan Fall Out Boy (2007)
- The Tyra Banks Show (1 ôflevering, 2007)
- Chelsea Lately (2007)
- Más vale tarde (2007)
- Keeping Up with the Kardashians (8 ôfleveringen; 2007, 8 ôfleveringen; 2008)
- The View (1 ôflevering, novimber 2007)
- Entertainment Tonight (1 ôflevering, septimber 2007)
- Sunset Tan (1 ôflevering, 2007)
- Beyond the Break (1 ôflevering, 2006)
- The Simple Life (2 ôfleverings, 2006)
- MTV Cribs (1 ôflevering, 2007)
- Kourtney and Kim take New York (hiele seizoen 1, 2011)
| Boarnen, noaten en/as referinsjes: | ||
|
This article uses material from the Wikipedia Frysk article Kim Kardashian, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Ynhâld is beskikber ûnder CC BY-SA 4.0, at net oars neamd wurdt. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Frysk (DUHOCTRUNGQUOC.VN) is an independent company and has no affiliation with Wiki Foundation.