Nina Agdal
Nina Agdal (26 maart 1992) is in Deensk fotomodel en mannekên, dy't karriêre makke hat yn 'e Feriene Steaten.
Hja briek yn 2012 troch doe't hja foar de jierlikse baaikleanedysje fan it tydskrift Sports Illustrated posearre.
| Nina Agdal | ||
 model | ||
 | ||
| persoanlike bysûnderheden | ||
| nasjonaliteit |  Deensk | |
| berne | 26 maart 1992 | |
| berteplak | ? (Denemark) | |
| etnisiteit | Deensk | |
| wurkpaad | ||
| soarte model | mannekên, fotomodel | |
| jierren aktyf | ±2010 – no | |
| offisjele webside | ||
| gjint | ||
Karriêre
Agdal groeide op yn it Deenske Hillerød, dat noardlik fan 'e haadstêd Kopenhagen op it eilân Seelân leit. Neffens har offisjele opjefte is se 1.76 m lang, mei in gewicht fan 55 kg en de maten 82-60-90 (yn sm). Hja stiet ûnder kontrakt by Elite Model Management, en hat as mannekên wurksum west foar Billabong, Leonisa, Banana Moon Swimwear, Macy's, Frederick's of Hollywood en Victoria's Secret.
Yn 2012 wurke Agdal foar it earst as fotomodel foar de jierlikse baaikleanedysje fan it foaroansteande Amerikaanske sportblêd Sports Illustrated, en dêrmei waard se sa populêr dat S.I. har neitiid ta Rookie of the Year ("Grientsje fan it Jier") beneamde. Yn 2013 spile Agdal yn in reklamespotsje foar Carl's Jr./Hardee's dat yn it skoft fan 'e Super Bowl, it wichtichste Amerikaanske sportbarren fan it jier, útstjoerd waard. Dêrmei trêde hja yn 'e fuotleasten fan ferneamde modellen as Kim Kardashian, Paris Hilton en Kate Upton. Yn 2014 stie Agdal mei Chrissy Teigen en Lily Aldridge op 'e omslach fan 'e 50ste jubileumedysje fan 'e Sports Illustrated Swimsuit Issue.
Keppelings om utens
| Boarnen, noaten en/as referinsjes: |
| Foar boarnen en oare literatuer, sjoch ûnder: References, op dizze side. |
This article uses material from the Wikipedia Frysk article Nina Agdal, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Ynhâld is beskikber ûnder CC BY-SA 4.0, at net oars neamd wurdt. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Frysk (DUHOCTRUNGQUOC.VN) is an independent company and has no affiliation with Wiki Foundation.