Lexxxi Lockhart
Lexxxi Lockhart, echte namme ûnbekend (yn Itaalje, 29 july 1979), is in rêstend Italjaansk-Amerikaansk pornografysk aktrise, dy't ek wol wurke hat ûnder de nammen Lynne en Angela.
Har skûlnamme wurdt gauris misstavere as Lexxi Lockhart of Lexxxi Lockheart. Hja sette yn 2009 útein mei in wurkpaad yn 'e Amerikaanske pornoyndustry en spile yn frijwat films. Yn 2011 beëinige Lockhart har karriêre as pornoaktrise.
| Lexxxi Lockhart | ||
 persoan yn de seksyndustry | ||
 | ||
| persoanlike bysûnderheden | ||
| oare artyste- nammen | Lexxi Lockhart, Lexxxi Lockheart, Lynne, Angela | |
| echte namme | ? | |
| nasjonaliteit |  Italjaansk  Amerikaansk | |
| berne | 29 july 1979 | |
| berteplak | ? (Itaalje) | |
| etnisiteit | Italjaansk | |
| wurkpaad | ||
| wurksum as | pornoaktrise | |
| jierren aktyf | 2007 & 2009 – 2011 | |
| offisjele webside | ||
| www.lexxxislife.com (deade link) | ||
Libben en karriêre
Lockhart waard yn 1979 berne yn Itaalje, mar groeide op yn 'e Amerikaanske steat Floarida. Yn 2005 troude se mei in Amerikaanske marinier en fûn se foltiids wurk yn 'e detailhannel. Twa jier letter, yn 2007, doe't se 28 jier wie, makke Lockhart har debút yn in pornografyske film. Neffens eigen sizzen die se dat om't se krap by kas siet en wol wat ekstra jild brûke koe. Doe't se yn 2009 har baan ferlear, besleat se om foltiids in karriêre yn 'e Amerikaanske pornoyndustry te begjinnen.
Neffens de Internet Adult Film Database (IAFD) spile Lockhart yn totaal yn 44 films, û.m. foar de bekende studio's West Coast Productions en Pure Play Media. Mear wie se lykwols yn 't spier foar pornowebsiden op it ynternet, lykas BangBros, Reality Kings, Brazzers en Naughty America. Koart nei't se yn 2011 fan har man skieden wie, breide Lockhart in ein oan har pornokarriêre mei in berjocht op har Twitterside.
Lichemsskaaimerken
Lexxxi Lockhart is blank, mei griene eagen en brún hier. Neffens har offisjele opjefte is se 1.52 m lang, mei in gewicht fan 52 kg, en kupmaat 34DD, wêrfoar't se in boarstfergruttingsoperaasje ûndergien hat. Se hat in nâlpiercing, mar gjin tatoeaazjes.
Keppelings om utens
- (in) Offisjele webside fan Lexxxi Lockhart (deade link)
- (in) Biografy en filmografy fan Lexxxi Lockhart yn 'e Internet Movie Database (IMDb)
- (in) Biografyske gegevens en filmografy fan Lexxxi Lockhart yn 'e Internet Adult Film Database (IAFD)
- (in) Biografyske gegevens fan Lexxxi Lockhart op FreeOnes
- (in) In fansite wijd oan Lexxxi Lockhart
| Boarnen, noaten en/as referinsjes: |
This article uses material from the Wikipedia Frysk article Lexxxi Lockhart, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Ynhâld is beskikber ûnder CC BY-SA 4.0, at net oars neamd wurdt. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Frysk (DUHOCTRUNGQUOC.VN) is an independent company and has no affiliation with Wiki Foundation.