Vivid Entertainment
Vivid Entertainment, of: de Vivid Entertainment Group, gauris ôfkoarte ta Vivid, is in Amerikaanske pornografyske filmstudio dy't fêstige is yn Los Angeles, yn 'e steat Kalifornje.
De studio waard yn 1984 oprjochte troch Steven Hirsch en David James. Hoewol't de begjinjierren fan Vivid dreech wiene, waard it label yn 2006 troch it parseburo Reuters omskreaun as ien fan it hantsjefol studio's dat de Amerikaanske pornoyndustry dominearret. Hjoed de dei hat Vivid mear AVN Awards (de Oskars fan 'e pornoyndustry) binnenhelle as lykfol hokker oare studio.
| Vivid Entertainment | ||
 | ||
| algemien | ||
| nasjonaliteit |  Amerikaansk | |
| type | privaat | |
| sektor | pornografyske filmstudio | |
| haadkertier | Los Angeles (Kalifornje) | |
| oprjochte | 1984 | |
| oprjochter | Steven Hirsch David James | |
| offisjele webside | ||
| www.vivid.com | ||
Skiednis
De bloei fan Vivid Entertainment (dat letterlik "Libben Fermaak" betsjut) begûn yn 'e jierren njoggentich, doe't de studio in stikmannich tige populêre pornoaktrises ûnder kontrakt krige, lykas Janine Lindemulder, de te jong stoarne Savannah, Racquel Darrian (de "brúnhierrige goadinne fan 'e porno") en Kobe Tai. Nei 2000 kamen dêr noch oare grutte nammen by, wêrûnder Jenna Jameson en Tera Patrick. Vivid wie ek de earste studio dy't, ûnder de namme Vivid Celeb, sekstapes fan ferneamde lju útbrocht (en dêr kaptalen mei fertsjinne), lykas Pamela Anderson & Tommy Lee: Hardcore & Uncensored, Janine & Vince Neil: Hardcore & Uncensored en Kim Kardashian Superstar.
Utwreiding nei oarsoartige merken
De merknamme Vivid is goud wurdich, en sadwaande binne der no (produsearre troch de Vivid Entertainment Group sels of yn gearwurking mei oare bedriuwen) ek Vivid-wodka, Vivid-kondooms, Vivid-snowboards, Vivid-skateboards, Vivid-T-shirts, Vivid-spylkaarten, Vivid-kalinders en Vivid-stripboeken op 'e merk. It boek How to Have a XXX Sex Life: The Ultimate Vivid Guide, dat mei-skreaun waard troch ûnderskate Vivid-kontraktstjerren en ferskynde by de renommearre útjouwerij HarperCollins Publishers, waard fuortendaliks in bestseller. Vivid hat ek in eigen útjouwerij, dy't ûnder de ymprint Vivid Ed bgl. ûnderrjochtsjende útjeften op it mêd fan geslachtsferkear publisearret, lykas The Expert Guide To Anal Sex, The Expert Guide to Oral Sex, Part 1: Cunnilingus, The Expert Guide to Oral Sex, Part 2: Fellatio en The Expert Guide to the G-Spot.
Keppelings om utens
| Boarnen, noaten en/as referinsjes: |
| Foar boarnen en oare literatuer, sjoch ûnder: References, op dizze side. |
This article uses material from the Wikipedia Frysk article Vivid Entertainment, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Ynhâld is beskikber ûnder CC BY-SA 4.0, at net oars neamd wurdt. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Frysk (DUHOCTRUNGQUOC.VN) is an independent company and has no affiliation with Wiki Foundation.