Pornografysk Aktrise Savannah
Savannah, echte namme: Shannon Michelle Wilsey (Mission Viejo (Kalifornje), 9 oktober 1970 – Burbank (Kalifornje), 11 july 1994), wie in Amerikaansk pornografysk aktrise, dy't yn it begjin fan har karriêre ek wol gebrûk makke fan 'e artystenammen Silver Cane, Silver Kane, Silver en Savanah.
Se moat net betize wurde mei de Amerikaanske pornoaktrise Savanna Samson, of de Britske pornoaktrise Savannah Gold.
| Savannah | ||
 persoan yn de seksyndustry | ||
 | ||
| persoanlike bysûnderheden | ||
| oare artyste- nammen | Silver Cane, Silver Kane, Savanah, Silver | |
| echte namme | Shannon Michelle Wilsey | |
| nasjonaliteit |  Amerikaansk | |
| berne | 9 oktober 1970 | |
| berteplak | Mission Viejo (Kalifornje) | |
| stoarn | 11 july 1994 | |
| stjerplak | Burbank (Kalifornje) | |
| etnisiteit | Angelsaksysk Amerikaansk | |
| wurkpaad | ||
| wurksum as | pornoaktrise | |
| jierren aktyf | 1990 – 1994 | |
| offisjele webside | ||
| gjint | ||
Libben
Savannah waard berne yn Mission Viejo, yn 'e steat Kalifornje, ûnder de reek fan Los Angeles. Se makke yn 1990 har debút yn in pornografyske film en waard al gau ien fan 'e populêrste pornostjerren fan har tiid. Har artystenamme ûntliende se nei't it skynt oan 'e spylfilm Savannah Smiles, út 1982, dat ien fan har leaflingsfilms wie. Savannah waard berucht, sawol oangeande har rollen yn 'e 119 pornofilms dêr't se yn spile, as fanwegen har priveelibben. Sa hie se relaasjes mei muzikant Gregg Allman, komyk Pauly Shore, bassist Billy Sheehan, gitarist Slash en mei Vince Neil fan 'e band Mötley Crüe. Ek hie se in duorjende lesbyske relaasje mei kollega-pornoaktrise Jeanna Fine, op wa't se sei oant oer har earen fereale te wêzen.
Yn 1991 tekene Savannah in eksklusyf kontrakt mei it label Vivid Entertainment. Mar psychysk koe se it net bolwurkje. No't se grou jild fertsjinne, begûn se it like hurd wer út te jaan en kaam se al rillegau yn 'e finansjele swierrichheden. Se rekke oan 'e drugs en waard mei dêrtroch sa ûnbrûksum dat Vivid har kontrakt yn 1992 ôfbriek. Se bleau lykwols wurksum yn 'e pornoyndustry en liet twaris har boarsten fergrutsje. Nei in auto-ûngemak begie hja yn har hûs yn Burbank, by Los Angeles, op 11 july 1994 selsmoard. Savannah waard 23 jier.
Keppelings om utens
- (in) Biografy en filmografy fan Savannah yn 'e Internet Movie Database (IMDb)
- (in) Biografyske gegevens en filmografy fan Savannah yn 'e Internet Adult Film Database (IAFD)
| Boarnen, noaten en/as referinsjes: |
| Foar boarnen en oare literatuer, sjoch ûnder: References, op dizze side. |
This article uses material from the Wikipedia Frysk article Savannah (pornografysk aktrise), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Ynhâld is beskikber ûnder CC BY-SA 4.0, at net oars neamd wurdt. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Frysk (DUHOCTRUNGQUOC.VN) is an independent company and has no affiliation with Wiki Foundation.