De Alpen is in berchtme yn Jeropa, mei in oerflakte fan mear as 200.000 km², dat him útstrekt út Frankryk wei (Frânske Alpen) nei Eastenryk en Sloveenje (de Julyske Alpen) en fan Itaalje nei it Súd-Dútske Beieren (de Beierske Alpen).
Switserlân leit der tuskenyn.
De Alpen is in frijwat jong berchtme, benammen foarme yn it Kryt (lykas de Dent du Villard dúdlik sjen lit) en yn it Tertiêr. Mar njonken it âlde kearngebiet mei de Mont Blanc- en it Gotthardmassyf, binne ek noch jongere oerdekkings foarme. Yn de Alpen ûntsteane ek de grutte rivieren fan Jeropa, lykas de Rhône, de Ryn en de Inn.
De heechste Alpentop is de Mont Blanc, dy't by de earste mjitting yn 1775 in hichte fan 4775 meter oanjoech. Sûnt mjittingen fan 2003 is de berch 4808 meter en 45 sm heech (by dy mjitting kin 10 sm ferskil wêze). Dat dy berch is de heechste fan Jeropa, Ruslân net meirekkene. De berch leit op de Frânsk-Italjaanske grins, tichtby Chamonix yn de Frânske Alpen.
This article uses material from the Wikipedia Frysk article Alpen, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Ynhâld is beskikber ûnder CC BY-SA 4.0, at net oars neamd wurdt. Images, videos and audio are available under their respective licenses. ®Wikipedia is a registered trademark of the Wiki Foundation, Inc. Wiki Frysk (DUHOCTRUNGQUOC.VN) is an independent company and has no affiliation with Wiki Foundation.