Jan Frearks Van Der Bij

Van de Bij krige les fan Herman Dijkstra (1904-1976) yn Grins. Neist syn deistige wurk as reklameûntwerper ûntjoech er him as keunstskilder.
Hy hearde mei ûnder oaren Klaas Koopmans en Pier Feddema ta de nei-oarlochske eksperimintele groep 'Yn'e Line' (1950-1970). Mei it Fryske lânskip as grutste ynspiraasjeboarne sochten dizze skilders nei in eigen frije foarmtaal. Van der Bij wurke yn it earstoan yn de losse toets en de ljochte kleuren fan it ympresjonisme. Begjin jierren fyftich fan de 20e iuw kaam de oergong nei it ekspresjonisme. De kleuren waarden donkerder, de farve waard yn in grutte beweging yn ferheftige streken obrocht. Dit waard fersterke troch de stevige kontoeren dy't hy yn neifolging fan it Flaamsk ekspresjonisme fan Permeke en De Smet tapaste.

Sûnt de jierren santich keas de skilder foar hieltiten helderder kleuren en in sterk ferienfâldige foarmetaal. Hy wie lid fan It Frysk Palet, in klup fan jonge keunstners, dy't foar eltsenien begryplike keunst makke. Benammen mozaïken en wandskilderingen fan him binne yn Smellingerlân en dêrbûten te sjen, bygelyks by beukerskoalle "De Stienpolle".

By gelegenheid fan syn tachtichste en fiifentachtichste jierdei waarden der oersjochtentoanstellings hâlden yn it Frysk Museum en Museum Smellingerlân.

Op 5 maart 2013 ferstoar Van der Bij yn 'e âldens fan 90 jier yn in fersoargingshûs te Bartlehiem.

•  
  De likenis fan de talinten
•  
  Tolve stiennen fan it ferbûn
•  
  Jacobs dream

• Palm, F. van der (2002) Jan Frearks van der Bij: 80 jaar. Harns: Flevodruk
• Mous, H. (2008) De kleur van Friesland: beeldende kunst na 1945. Ljouwert: Friese Pers Boekerij bv