Jan Fontijn
Johannes Henricus Antonius (Jan) Fontijn (Amsterdam, 9 febrewaris 1936) is in Nederlânsk nearlandikus en literatuerwittenskipper.
Wurkpaad
Fontijn wurke lang as universitêr dosint by de fakgroep nearlandistyk fan de Universiteit fan Amsterdam. Teffens wie er literatuerkritikus fan Het Parool en Vrij Nederland.
Fontijn hat benammentlik dwaande west mei de biografy as literêr sjenre; dêr hat er ferskate stúdzjes oer skreaun. Fontijn syn haadwurk is de biografy fan Frederik van Eeden yn twa dielen, ferskynd yn 1990 en 1996. It earste diel Tweespalt wie ek syn dissertaasje byn syn wittenskiplike promoasje oan de Radboud Universiteit Nimwegen. Dêrnjonken wijde er stúdzjes oan Herman Heijermans, Frans Coenen, Carry van Bruggen en Jacob Israël de Haan. Fontijn skreau tal fan opstellen oer 'populêre literatuer', it skoalboek Ik heb al een boek, oer romanûndersyk en essays oer mystyk, muzyk, dekadinsje en literatuer. Njonken dat publisearre er oer literêre streamingen as futurisme, dadaïsme, konstruktivisme en surrealisme. Teffens skreau ek in frijwat autobiografyske roman Biefstuk en benzine, ferskynd yn 2003, dy't him in nominaasje foar de Gerard Walschappriis opsmiet.
Persooanlik
Jan Fontijn is de oarehelte fan de mei de P.C. Hooftpriis bekroande skilderesse en skriuwster Charlotte Mutsaers.
Publikaasjes
- Zuster en super-ego (1971)
- Populaire literatuur (1974)
- Ik heb al een boek (1974), mei Ton Anbeek
- Carry van Bruggen (1978), mei Diny Schouten
- Frans Coenen (1981), mei Gideon Lodders
- Leven in extase : opstellen over mystiek en muziek, literatuur en decadentie rond 1900 (1983)
- Tweespalt : het leven van Frederik van Eeden tot 1901 (1990)
- Op bezoek bij J.J. Voskuil (1991)
- De Nederlandse schrijversbiografie (1992)
- Aanslag op de letteren (1993)
- Trots verbrijzeld : het leven van Frederik van Eeden vanaf 1901 (1996)
- Broeders in bedrog : de biograaf en zijn held (1997)
- Biefstuk en benzine (2003), roman
- Kijk naar de vis : autobiografie van een lezer (2003)
- Louis Couperus en Jean Genet over de Islam en de Palestijnen (2009)
- Opgebouwd uit hetzelfde : broers en zusters in de literatuur (2011)
- Tederheid en storm. De persoonlijkheid van Jacob Israël de Haan (2012)
- Onrust. Het leven van Jacob Israël de Haan, 1881 - 1924 (2015)
Keppeling om utens
This article uses material from the Wikipedia Frysk article Jan Fontijn, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Ynhâld is beskikber ûnder CC BY-SA 4.0, at net oars neamd wurdt. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Frysk (DUHOCTRUNGQUOC.VN) is an independent company and has no affiliation with Wiki Foundation.