Deadline Hollywood
Deadline, yn 'e regel bekend as Deadline Hollywood, is in Amerikaanske webside en in online-tydskrift dat him rjochtet op ferslachjouwing oangeande de Amerikaanske filmyndustry en oarsoartich entertainment, lykas tillefyzje.
De webside wurdt ferskate kearen deis by de tiid brocht. Deadline Hollywood waard yn 2006 oprjochte en is sûnt 2009 eigendom fan 'e Penske Media Corporation.
| Deadline Hollywood | ||
 | ||
| algemiene ynformaasje | ||
| hist. namme | Deadline Hollywood Daily | |
| nasjonaliteit |  Amerikaansk | |
| taal | Ingelsk | |
| sjenre | filmtydskrift | |
| bestean | 2006 – no | |
| oprjochter | Nikki Finke | |
| plak haadred. | Los Angeles (Kalifornje) | |
| offisjele webside | ||
| deadline.com | ||
Skiednis
Deadline Hollywood waard yn maart 2006 yn Los Angeles, ûnder de namme Deadline Hollywood Daily, as in bloch oprjochte troch Nikki Finke. Dyselde wie al yn 2002 in rige kollumns begûn te skriuwen foar it tydskrift L.A. Weekly, mei as titel Deadline Hollywood. It nije bloch wie sadwaande mear in fuortsetting fan har kollumn op it ynternet as dat it hiel wat nijs wie. Tsjin 2009 ûntjoech it bloch him ta ien fan 'e meast folge websiden yn Hollywood.
Dat jiers ferkocht Finke Deadline Hollywood oan 'e Penske Media Corporation, in grutte Amerikaanske mediakorporaasje (dy't doe noch Mail.com Media hiet) foar in bedrach mei sân sifers. Dêropta betong se in 25-jierrich kontrakt as wurknimmer, dat neffens de Los Angeles Times "miljoenen dollars" wurdich wie, en teffens in part fan 'e opbringst fan 'e webside. Yn ferbân mei de oername waard de namme fan 'e webside yn septimber 2009 feroare yn Deadline Hollywood.
Yn 2010 wreide Deadline Hollywood syn aktiviteiten út bûten Los Angeles, mei it oannimmen fan ferslachjouwer Mike Fleming jr. as redakteur mei stânplak New York en Tim Adler as redakteur mei stânplak Londen. Tagelyk waard Nellie Andreeva oannommen as redakteur oangeande ferslachjouwing oer tillefyzje. Finke bleau oant 2013 haadredakteur fan Deadline Hollywood. Yn novimber fan dat jier stapte se op nei oanlieding fan in langrinnend skeel tusken har en de Penske Media Corporation, dat ûnderwilens ek it konkurrearjende tydskrift Variety oankocht hie.
Keppelings om utens
| Boarnen, noaten en/as referinsjes: |
| Foar boarnen en oare literatuer, sjoch ûnder: References, op dizze side. |
This article uses material from the Wikipedia Frysk article Deadline Hollywood, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Ynhâld is beskikber ûnder CC BY-SA 4.0, at net oars neamd wurdt. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Frysk (DUHOCTRUNGQUOC.VN) is an independent company and has no affiliation with Wiki Foundation.