Akke Radsma
Akke Cornelia Radsma (Stiens, 23 maart 1922 – De Pein, 4 desimber 2008) wie in Fryske toanielspylster en foardraachster.
Hja begûn by it Kritetoaniel ûnder lieding fan Lammert Popma. Akke Cornelia Radsma-Douma waard benammen bekend mei ‘Oer de hage’: in rige satiryske ferhaaltsjes fan Paulus Akkerman dy’t ein sechtiger en begjin santiger jierren op sneontemoarn útstjoerd waarden op de RONO. Hja ferhellet dêryn benammen oer de plattelânsfroulju en oer har man Piter, dy’t der sadwaande kleurd op kaam te stean. Sa gie se mei Piter nei de Sjinees. Piter mislik fan it iten en hja: "Do silst it opite Piter, wy hawwe der grou foar betelle!"
De foardrachten waarden yn 2004 op de dûbel-CD “Oer de Hage” útbrocht. In earder ferskynde LP fan har wie “Op 'e Nij”. Mei har eigen man Jan Radsma die se mei oan de revu fan Roel Oostra. Ek spile se mei yn it kabaret De Spinnekop, en spile yn iepenloftspullen. Boppedat wie se anneks mei it opnij spyljen fan winterjûnenochten.
Akke Radsma hat oant april 1997 op it toaniel stien.
Keppeling om utens
| Boarnen, noaten en/as referinsjes: |
|
This article uses material from the Wikipedia Frysk article Akke Radsma, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Ynhâld is beskikber ûnder CC BY-SA 4.0, at net oars neamd wurdt. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Frysk (DUHOCTRUNGQUOC.VN) is an independent company and has no affiliation with Wiki Foundation.