Diego Armando Maradona Franco, (føddur 30.
oktober">30. oktober 1960 í Lanús, Buenos Aires - deyður 25. november í Tigre, Buenos Aires) var ein argentinskur fótbóltsleikari, sum av mongum varð mettur at vera heimsins besti fótbóltleikari nakrantíð. Í 2000 vórðu hann og brasiliumaðurin Pelé av FIFA kosnir bestu fótbóltsleikarar í 20. øld.
Maradona eftir at hann skoraði móti Italia á HM 1986 í Meksiko | |||||||||||||||||||||||||||
Persónlig kunning | |||||||||||||||||||||||||||
---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
Fult navn | Diego Armando Maradona Franco | ||||||||||||||||||||||||||
Føðingardagur | 30. oktober 1960 | ||||||||||||||||||||||||||
Føðistaður | Lanús, Buenos Aires, Argentina | ||||||||||||||||||||||||||
Deyðadagur | 25. november 2020 (60 ár) | ||||||||||||||||||||||||||
Hædd | 165 cm (5 ft 5 in) | ||||||||||||||||||||||||||
Pláss | Áloypandi miðvallaleikari áloypari | ||||||||||||||||||||||||||
Yrkisleið, vaksnamannafótbóltur* | |||||||||||||||||||||||||||
Ár | Felag | Dystir† | (Mál)† | ||||||||||||||||||||||||
1976–1981 | Argentinos Juniors | 167 | (116) | ||||||||||||||||||||||||
1981–1982 | Boca Juniors | 40 | (28) | ||||||||||||||||||||||||
1982–1984 | Barcelona | 36 | (22) | ||||||||||||||||||||||||
1984–1991 | Napoli | 188 | (81) | ||||||||||||||||||||||||
1992–1993 | Sevilla | 26 | (5) | ||||||||||||||||||||||||
1993–1994 | Newell's Old Boys | 5 | (0) | ||||||||||||||||||||||||
1995–1997 | Boca Juniors | 30 | (7) | ||||||||||||||||||||||||
Tilsamans | 491 | (259) | |||||||||||||||||||||||||
Landslið | |||||||||||||||||||||||||||
1977–1979 | Argentina U20 | 24 | (13) | ||||||||||||||||||||||||
1977–1994 | Argentina | 91 | (34) | ||||||||||||||||||||||||
Venjari | |||||||||||||||||||||||||||
1994 | Mandiyú de Corrientes | ||||||||||||||||||||||||||
1995 | Racing Club | ||||||||||||||||||||||||||
2008–2010 | Argentina | ||||||||||||||||||||||||||
2011–2012 | Al Wasl | ||||||||||||||||||||||||||
2013–2017 | Deportivo Riestra (hjálparvenjari) | ||||||||||||||||||||||||||
2017–2018 | Fujairah | ||||||||||||||||||||||||||
2018–2019 | Dorados de Sinaloa | ||||||||||||||||||||||||||
2019–2020 | Gimnasia de La Plata | ||||||||||||||||||||||||||
Heiður
| |||||||||||||||||||||||||||
* Senior club appearances and goals counted for the domestic league only. † Dystir (Mál). |
Maradona fekk á ungum árum eyknevnið "El Pibe de Oro" ("Gulldrongurin"), og hetta navnið hekk við øll árini hann leikti.
Maradona spældi fyri tað mesta sum álopsleikari ella offensivur miðvallari. Taktiskt hevði hann ofta leiklutin sum klassiskur 10'ari. Maradona gjørdist tvær ferðir heimsins dýrasti fótbóltsleikari; fyrst tá hann í 1982 skifti úr Boca Juniors til Barcelona fyri 55 mió.kr. og aftur í 1984, tá hann skifti úr Barcelona til Napoli fyri 75 mió.kr. Bestu árini hevði Maradona í Napoli, har hann spældi frá 1984 til 1991. Men harumframt spældi hann eisini við Argentinos Juniors, Boca Juniors, Barcelona, Sevilla og Newell's Old Boys.
Við landsliðnum spældi hann frá 1977 til 1994 91 landsdystir og skeyt 34 mál. Hann var við í 4 HM-endaspølum (1982-1994).
Í HM 1986 í Meksiko varð Maradona kosin besti leikari, og hann átti sera stóran leiklut í, at Argentina gjørdist heimsmeistari. Í fjórðingsfinaluni móti Englandi, sum Argentina vann 2-1, gjørdi Maradona bæði málini. Tað fyrra slerdi hann í málið við "Guðs hond", meðan tað seinna var eitt frálík einmansavrik, har hann rann 60 metrar, meðan hann hegnisliga sneiddi fimm mótstøðuleikarar umframt málverjan av og setti bóltin í mál. Hetta seinna málið varð í 2002 í atkvøðugreiðslu á FIFA.com kosið besta mál í 20. øld.
Maradona hevur eisini roynt seg sum venjara, millum annað sum landsliðsvenjara hjá Argentina í 2008-10.
Hin 2. november 2020 bleiv Maradona innlagdur á sjúkrahús í La Plata, eftir øllum at døma av sálarligum orsøkum. Eitt umboðsfólk fyri fyrrverandi fótbóltsleikaran segði, at støðan ikki var álvarsom. Dagin eftir bleiv han skurðviðgjørdu akutt í heilanum fyri at viðgerða eitt subduralt hematom. Hann varð útskrivaður frá sjúkrahúsinum hin 12. november eftir væleydnaða skurðviðger og bleiv fylgdur av læknum ambulant. Hin 25. november 2020 doyði Maradona 60 ára gamal av akuttum hjartatilburði í heimi sínum í Tigre, Buenos Aires, Argentina. Í einari fráboðan á sosialu miðlunum vísti Argentinska Fótbóltssambandi teirra djúpu sorg um deyðsfallið av teirra stóru legendu og skrivaðu m.a. at "Tú fert altíð at vera í okkara hjørtum". Forsetin Alberto Fernández lýsti tríggir dagar landasorg.
This article uses material from the Wikipedia Føroyskt article Diego Maradona, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Innihaldið er tøkt undir CC BY-SA 4.0 um ikki annað verður viðmerkt. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Føroyskt (DUHOCTRUNGQUOC.VN) is an independent company and has no affiliation with Wiki Foundation.