Diego Maradona
Diego Armando Maradona, bet ganet d'an 30 a viz Here 1960 e Lanús (Arc'hantina) hag aet da Anaon e Tigre d'ar 25 a viz Du 2020, a zo bet ur melldroader etrebroadel arc'hantinat, aet da c'hourdoner da-heul e amzer c'hoarier.
Meur a lesanv a voe roet dezhañ a-hed e vicher : D10S, El 10, El Diez, El Pelusa, El Pibe de Oro, Barrilete Cósmico. A orin galizat e vefe e anv-tiegezh.
Kib vell-droad ar bed (evel c'hoarier)
Argader pe greizer e bost dezhañ war an dachenn, kemeret en devoa perzh e pevar dalc'h :
- Kib vell-droad ar bed 1982 bet aozet e Spagn,
- Kib vell-droad ar bed 1986 bet aozet e Mec'hiko : dilennet e voe da wellañ c'hoarier (Mell aour) ar genstrivadeg-mañ,
- Kib vell-droad ar bed 1990 bet aozet en Italia,
- Kib vell-droad ar bed 1994 bet aozet e Stadoù-Unanet Amerika.
Kib vell-droad ar bed (evel gourdoner)
E 2008 e voe anvet da zibaber La Albiceleste, skipailh mell-droad Arc'hantina, ha gantañ e kemeras perzh e Kib vell-droad ar bed 2010 a voe dalc'het e Suafrika. Skubet e voe e skipailh er-maez 0-4 gant hini Alamagn e kardgourfenn hag erlec'hiet Maradona gant Sergio Batista kerkent ha miz Gouere 2010.
Notennoù ha daveennoù
This article uses material from the Wikipedia Brezhoneg article Diego Maradona, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Danvez a c'haller implijout dindan CC BY-SA 4.0 nemet ha notet e vefe ar c'hontrol. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Brezhoneg (DUHOCTRUNGQUOC.VN) is an independent company and has no affiliation with Wiki Foundation.