അൽ പച്ചീനോ: അമേരിക്കന്‍ ചലചിത്ര നടന്‍

എക്കാലത്തെയും മികച്ച അഭിനയശേഷിയും സ്വാധീനശക്തിയുമുള്ള നടന്മാരിലൊരാളായി ഇദ്ദേഹം അറിയപ്പെടുന്നു.
ദ ഗോഡ്ഫാദർ പരമ്പരയിലെ മൈക്കേൽ കോർലിയോൺ, സ്കാർഫേസ് എന്ന ചിത്രത്തിലെ ടോണി മൊണ്ടാന, കാർലിറ്റോസ് വേ എന്ന ചിത്രത്തിലെ കാർലിറ്റോ ബ്രിഗാന്റെ, സെന്റ് ഓഫ് എ വുമൺ എന്ന ചിത്രത്തിലെ ലെഫ്റ്റനന്റ് കേണൽ ഫ്രാങ്ക് സ്ലേഡ്, ഏഞ്ചൽസ് ഇൻ അമേരിക്ക എന്ന ചിത്രത്തിലെ റോയ് കോഹ്ൻ എന്നിവയാണ്‌ ഇദ്ദേഹത്തിന്റെ പ്രശസ്ത വേഷങ്ങൾ. 1992ൽ സെന്റ് ഓഫ് എ വുമൺ എന്ന ചിത്രത്തിലെ അഭിനയത്തിന്‌ മികച്ച നടനുള്ള അക്കാഡമി പുരസ്കാരം ലഭിച്ചു. ഇതിനു മുൻപ് മറ്റു വേഷങ്ങൾക്കായി 7 തവണ നാമനിർദ്ദേശം ചെയ്യപ്പെട്ടിരുന്നു.

അൽ പച്ചീനോ
അൽ പച്ചീനോ, 2007
തൊഴിൽ	അഭിനേതാവ്, സംവിധായകൻ, തിരക്കഥാകൃത്ത്, നിർമ്മാതാവ്
സജീവ കാലം	1968–ഇപ്പോൾ വരെ
പുരസ്കാരങ്ങൾ	'BSFC Award for Best Actor 1997 Donnie Brasco KCFCC Award for Best Actor 1975 Dog Day Afternoon LAFCA Award for Best Actor 1975 Dog Day Afternoon NSFC Award for Best Actor 1972 The Godfather NBR Award for Best Supporting Actor 1972 The Godfather NBR Award for Best Actor 1973 Serpico Çareer Golden Lion 1994 Lifetime Achievement AFI Life Achievement Award 2007 Lifetime Achievement

റോസ്, സാൽവതോരെ ആൽഫ്രേഡ് പച്ചീനോ എന്നീ ഇറ്റാലിയൻ അമേരിക്കൻ മാതാപിതാക്കളുടെ മകനായി അൽ പച്ചീനോ മാൻഹട്ടനിലെ ഈസ്റ്റ് ഹാർലെമിൽ ജനിച്ചു. രണ്ട് വയസ്സായപ്പോൾ മാതാപിതാക്കൾ വിവാഹമോചനം നേടി പിരിഞ്ഞു. ന്യൂ യോർക്ക് സിറ്റിയിലെ സ്കൂൾ ഓഫ് പെർഫോമിങ്ങ് ആർട്സ്:എ ഡിവിഷൻ ഓഫ് ദ ഫിയൊറെല്ലൊ എച് ലാ ഗാർഡിയ ഹൈസ്കൂൾ ഓഫ് മ്യൂസിക് ആൻഡ് ദ ആർട്സ് എന്ന ഔദ്യോഗിക നാമമുള്ള സ്കൂളിൽ പാസിനോ പ്രവേശനം നേടി. പിൽക്കാലത്ത് ഗോഡ്ഫാദർ II എന്ന ചിത്രത്തിൽ ഒപ്പം അഭിനയിച്ച റോബർട്ട് ഡി നിറൊയും ഇവിടെ പഠിച്ചിരുന്നു.