Nylona poliamidaz osaturiko plastikozko edozein gai sintetiko da.
Poliamida horiek molekula astunez osaturik daude, pisu molekular handikoz alegia, eta zuntz-egitura izaten dute maizenik, proteinek dutenaren antzekoa.
Nylon | |
---|---|
Konposizioa | Nylon 6 eta Nylon 66 |
Aurkitze data | 1935 |
Mota | Poliamida |
Identifikatzaileak | |
Gmelin | 25614 |
MeSH | D009757 |
1935. urtean asmatu zuen nylona Wallace Carothersek zuzendutako Estatu Batuetako kimikari talde batek. Urte horretako otsailaren 28an aurkeztu zuten lehen aldiz. Naturan (airean, uretan, petrolioan zein ikatzean) diren baliabideak erabiliz, sintesi kimikoaren bidez erraz lor zitezkeen zuntz sintetikoak. Polimeroez egindako ikerketak areagotu ziren, eta berehala sortu zen produktu sintetiko horien multzo handi bat.
Nylon-mota arruntena nylon 6,6-a da; izen hori hartzen du, horren sintesia lortzeko erabiltzen diren konposatuek, azido adipikoak eta hexametileneadiaminak alegia, seina karbono atomo dituztelako. Kaprolaktamoaz egindako nylona ere sarri erabiltzen da. Konposatu horrek sei karbono-atomo dituenez, nylon-mota horrek nylon 6 izena du. Nylona erraz urtzen da, eta urtua erraz lan daiteke zuntz edo bestelako egiturak emateko, molderen baten itxura esate baterako. Nylon urtua hozten denean, gogortu eta malgutu egiten da; hori dela eta, asko erabiltzen da, besteak beste, sokak egiteko, ehungintzan eta baita jantzigintzan ere.
Artikulu hau kimikari buruzko zirriborroa da. Wikipedia lagun dezakezu edukia osatuz. |
This article uses material from the Wikipedia Euskara article Nylon, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Eduki guztia CC BY-SA 4.0(r)en babespean dago, ez bada kontrakoa esaten. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Euskara (DUHOCTRUNGQUOC.VN) is an independent company and has no affiliation with Wiki Foundation.