Uk 2021: 106-a Universala Kongreso de Esperanto
La 106-a Universala Kongreso de Esperanto (UK) okazis virtuale inter la 17-a ĝis la 24-a de julio 2021.
Ĝi estis planita por la samaj datoj en Belfasto (Nord-Irlando), sed en Aprilo 2021 ĝi estis nuligita kiel ĉeesta renkontiĝo pro la epidemio pro Covid-19, kaj anstataŭe estas planata kiel 2-a Virtuala Kongreso de Esperanto.
| UK 2021 | ||
|---|---|---|
| Loko | ||
| Ekde | 17-a de julio 2021 | |
| Ĝis | 24-a de julio 2021 | |
| Oficiala retejo | vk | |
| ← Antaŭa | Sekva → | |
La ĉeftemo de la kongreso estis: “Paco kaj konfido: universalaj valoroj”.
En la momento de la inaŭguro, la 17an de julio jam aliĝis 1740 personoj el 95 landoj (aŭ teritorioj).
Organizado
La 2-a Virtuala Kongreso de Esperanto (VK) estis realigo de Universala Esperanto-Asocio, en oficialaj rilatoj kun UN kaj UNESKO. Gvidas la organizteamon la Vicprezidanto de UEA, Fernando Maia Jr., la Estrarano pri Kulturo kaj Kongresoj, Orlando Raola, la Estrarano pri Faka kaj Scienca Agado, Amri Wandel, kaj la Ĝenerala Sekretario de UEA, Aleks Kadar. Kunrealigis kaj teknike prizorgis la teamo de la neprofitocela esperantista organizo E@I. Kunrealigis kaj kunprizorgis la muzikan programon Floréal Martorell kaj la teamo de la eldonejo Vinilkosmo. Kunrealigis kaj kunprizorgis la junularan programon TEJO, pere de MOJOSA (Movado Junulara Skota).
Programo
La programo enhavis diversajn erojn, formalajn, klerigajn kaj distrajn. Oni rezervis spacojn por neformalaj renkontoj inter kongresanoj.
Kiel parto de la programo estis organizita Virtuala Movada Foiro, kun prezentado de asocioj kaj iniciatoj. Ankaŭ estis kunvokita la 74-a sesio de Internacia Kongresa Universitato, kies rektoro estas Michele Gazzola.
Oni ankaŭ rezervis programerojn pri Belfasto kaj Nord-Irlando, antaŭvidita sidejo de la ĉeesta Kongreso.
Kongresa kuriero
Kiel en ĉeestaj kongresoj, la 2-a Virtuala Kongreso ankaŭ ĝuis sian Kongresan Kurieron, titolitan "La Kolombo de Paco". La kuriero dissendiĝis ĉiutage dum la 2-a VK, de la 17-a ĝis la 24-a de julio, sed ankaŭ unufoje semajne dum la periodo antaŭ la 2-a VK. La nomo de la kuriero ligiĝas al la kongresa temo de la 2-a VK, kiu siavice ligiĝas al Internacia Jaro de Paco kaj Konfido, kiel deklaris UN por la jaro 2021. Ĝi ankaŭ omaĝas la 75-jariĝon de Unesko, inter kiuj agadkampoj estas la kulturo de paco.
Referencoj
Eksteraj ligiloj
 | Universalaj Kongresoj | |
|---|---|---|
| 1905-1915 • 1920-1939 • 1940-1980 • 1981-2010 | ||
| Florenco 2006 • Jokohamo 2007 • Roterdamo 2008 • Bjalistoko 2009 • Havano 2010 | ||
| Kopenhago 2011 • Hanojo 2012 • Rejkjaviko 2013 • Bonaero 2014 • Lillo 2015 | ||
| Nitro 2016 • Seulo 2017 • Lisbono 2018 • Lahti 2019 • kronvirusa pandemio | ||
| kronvirusa pandemio • Montrealo 2022 • Torino 2023 • Aruŝo 2024 • Brno 2025 | ||
This article uses material from the Wikipedia Esperanto article UK 2021, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). La enhavo estas disponebla laŭ CC BY-SA 4.0, se ne estas alia indiko. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Esperanto (DUHOCTRUNGQUOC.VN) is an independent company and has no affiliation with Wiki Foundation.