Strikapa Serino
La Strikapa serino aŭ Strikapa kanario (Serinus gularis) estas malgranda paserina birdo de la familio de Fringedoj kaj genro de Serinoj kiu enhavas la faman specion de la Kanario kaj aliajn similajn speciojn.
Ĝi estas komuna specio de loĝantaj birdoj en taŭga habitato en multo de Afriko sude de Saharo.
 | ||||||||||||||
|---|---|---|---|---|---|---|---|---|---|---|---|---|---|---|
.jpg) Strikapa serino, en Sudafriko  | ||||||||||||||
| Biologia klasado | ||||||||||||||
| ||||||||||||||
| Serinus gularis (Smith, 1836) | ||||||||||||||
| Konserva statuso | ||||||||||||||
Aliaj Vikimediaj projektoj | ||||||||||||||
Ties habitato estas malfermaj arbaro kaj arbustaro, inklude savanon, fruktoĝardenojn kaj ĝardenojn. Ili konstruas kompaktan tasforman neston en arbusto.
La Strikapa serino estas 13–14 cm longa. Plenkreskulo havas brunajn suprajn partojn kun ioma svaga strieco kaj tutbrunan pugon. La kapo havas tre fajnan blankestriecan kronon, malhelan vizaĝon kaj blankajn superokulan strion kaj mentonon. La subaj partoj estas sablokoloraj. Ambaŭ seksoj estas similaj, sed kelkaj inoj montras iom da brusta strieco. Junulo havas malpli kapostriecon, sablokoloran superokulan strion, pli striecajn suprajn partojn kaj multe striecon en palgrizaj subaj partoj.
Estas naŭ agnoskataj subspecioj, diferencaj ĉefe laŭ kolornuanco de supraj partoj kaj de subaj partoj. La subspecio humilis de sudokcidenta Kabprovinco havas preskaŭ nestriecajn suprajn partojn, kaj S. g. reichardi, (suda Kongo al suda Tanzanio kaj norda Mozambiko) havas distingan striecan bruston eĉ en plenkreska plumaro.
La subspecio canicapilla de Okcidenta Afriko estas foje disigita kiel Okcidentafrika serino, Serinus canicapilla (Du Bus de Gisignies, 1855).
La Strikapa serino estas kutime vidata en paroj, sed povas esti gregema, formante grandajn arojn, sola aŭ kun aliaj kanarispecioj. Ili manĝas mildajn fruktojn, herbosemojn kaj burĝonojn, kaj foje manĝas insektojn. Grandaj aroj povas damaĝi rikoltojn de sunfloro, milio kaj aliaj cerealoj.
Tiu estas diskreta fringedo, ofte ripoze enarbuste. Ties alvoko estas milda cii, kaj la kanto estas ŭit-ĉii-ĉii-ĉii-ĉa ĉa ĉa ĉa ĉip, intersendata kun imitado de aliaj specioj. Estas ankaŭ tŭju tŭju tirrirrit-tink dumfluge.
Referencoj
- Ian Sinclair, Phil Hockey kaj Warwick Tarboton, SASOL Birds of Southern Africa (Struik 2002) ISBN 1-86872-721-1
- Clement, Harris kaj Davis, Finches and Sparrows de ISBN 0-7136-8017-2
This article uses material from the Wikipedia Esperanto article Strikapa serino, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). La enhavo estas disponebla laŭ CC BY-SA 4.0, se ne estas alia indiko. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Esperanto (DUHOCTRUNGQUOC.VN) is an independent company and has no affiliation with Wiki Foundation.