Konsilio De Eŭropo

Ĝia misio estas garantii demokration, homajn rajtojn kaj justecon en Eŭropo. Ĝi enkalkulas 800 milionojn da homoj en 47 ŝtatoj (kontraste al 27 en Eŭropa Unio). La Konsilio de Eŭropo celas konstrui pli grandan Eŭropon bazitan sur komunaj valoroj, inkluzive de toleremo kaj respekto al kultura kaj lingva diverseco.

Konsilio de Eŭropo
Elaera vidaĵo de la Palaco de Eŭropo, sidejo de la Konsilio de Eŭropo
interregistara organizaĵo
Komenco	5-a de majo 1949 vd
Lando(j)	Francio vd
Sidejo	Palaco de Eŭropo
Ĝenerala(j) Sekretario(j)	Marija Pejčinović Burić vd
Lingvoj	angla lingvo • franca lingvo
Filioj	Eŭropa Kortumo pri Homaj Rajtoj • European Commission for the Efficiency of Justice vd
Partoj Eŭropa Komisiono kontraŭ Rasismo kaj Netoleremo • Albanio • Andoro • Armenio • Aŭstrio • Azerbajĝano • Belgio • Bosnio kaj Hercegovino • Bulgario • Kroatio • Kipro • Ĉeĥio • Ĉeĥoslovakio • Danio • Estonio • Francio • Kartvelio • Germanio • Grekio • Hungario • Islando • Irlando • Italio • Latvio • Liĥtenŝtejno • Litovio • Luksemburgo • Malto • Moldavio • Monako • Montenegro • Nederlando • Nord-Makedonio • Norvegio • Pollando • Portugalio • Rumanio • Rusio • San-Marino • Sarlando • Serbio • Serbio kaj Montenegro • Slovakio • Slovenio • Hispanio • Svedio • Svislando • Turkio • Ukrainio • Unuiĝinta Reĝlando (Britio) vd
Posedatoj	European Court of Human Rights building • Palaco de Eŭropo vd
Retejo	Oficiala retejo
v • d • r

Memore al ĝia fondiĝo, oni festas ĉiujare, la 5-an de majo, la Eŭropan tagon.

Atentu ne konfuzi la Konsilion de Eŭropo kun:

• la Konsilio de Eŭropa Unio, kiu estas politika kaj leĝfara institucio de Eŭropa Unio, kaj kiu konsistas el la membroŝtataj ministroj;
• la Eŭropa Konsilio, kiu konsistas el la registarestroj (ŝtatestroj aŭ kabinetestroj) de la membroŝtatoj de Eŭropa Unio – ĝi difinas la esencon de la ĝenerala politiko de Eŭropa Unio.

La Konsilio de Eŭropo celas:

• Defendi la homajn rajtojn kaj la parlamentan demokration, kaj garantii la unuaecon de juro;
• Ellabori kontinentskalajn traktatojn por harmoniigi la socialajn kaj jurajn praktikojn de la membroŝtatoj;
• Faciligi la konsciiĝon pri eŭropa identeco surbaze de komunaj valoroj kaj malgraŭ la kulturaj diferencoj.

La ĉefaj organoj de la Konsilio de Eŭropo estas:

• Komitato de Ministroj: ĝi konsistas el 46 ministroj pri Eksterlandaj Aferoj aŭ el iliaj delegitoj; ĝi estas la decida organo de la organizaĵo;
• Parlamenta Asembleo: ĝi konsistas el 630 membroj (315 plenrajtaj kaj 315 anstataŭaj) devenantaj de la 46 landaj parlamentoj.
• Kongreso de Lokaj kaj Regionaj Povoj: ĝi konsistas el la Ĉambro de Lokaj Povoj kaj la Ĉambro de Regionaj Povoj;
• Ĝenerala Sekretariejo: ĝi konsistas el 1 800 oficistoj.
• Komisiito de la Konsilio de Eŭropo pri homaj rajtoj
• Eŭropa Komisiono kontraŭ Rasismo kaj Netoleremo
• Eŭropa Junulara Centro

La Konsilio de Eŭropo ellaboris 199 traktatojn aŭ konvenciojn pri homaj rajtoj, lukto kontraŭ la organizita krimularo, prevento de torturo, protekto de la datenoj, de malplimulto, kultura kunlaboro, ktp... Inter ili estas:

• Eŭropa Konvencio pri Homaj Rajtoj, subskribita en 1950 kaj ekefikinta en 1953;
• Eŭropa Sociala Ĉarto, subskribita en 1961 kaj ekefikinta en 1966;
• Eŭropa Ĉarto pri la Regionaj kaj Minoritataj Lingvoj, subskribita en 1992;
• Kadra konvencio por la protekto de naciaj malplimultoj, interkonsentiĝis la 1-an de februaro 1995 kaj ekvalidis la 1-an de februaro 1998.

Krome la Konsilio de Eŭropo alprenis cele al la registaroj rekomendojn, kiuj difinas ĉefprincipojn pri juro, sano, amasinformado, instruado kaj edukado, kulturo, sporto...

 

Fondintaj membroŝtatoj

1.   Belgio
2.   Britio
3.   Danio
4.   Francio
5.   Irlando
6.   Italio
7.   Luksemburgo
8.   Nederlando
9.   Norvegio
10.   Svedio

Ceteraj, nefondintaj membroŝtatoj

Albanio	Latvio
Andoro	Liĥtenŝtejno
Armenio	Litovio
Aŭstrio	Nord-Makedonio
Azerbajĝano	Malto
Bosnio kaj Hercegovino	Moldavio
Bulgario	Monako
Ĉeĥio	Pollando
Estonio	Portugalio
Finnlando	Rumanio
Kartvelio	Rusio
Germanio	San-Marino
Grekio	Serbio
Hispanio	Slovakio
Hungario	Slovenio
Islando	Svislando
Kipro	Turkio
Kroatio	Ukrainio

En marto 2022, post la Invado de Rusio en Ukrainion, Rusio, sub minaco de forpelo, decidis retiriĝi el la Konsilio de Eŭropo.

Esperantujo

Konsilio de Eŭropo en kunlaboro kun ALTE

En novembro 2020 dudeko da fakuloj kunlaboris kun KCE pri lingvotestado ĉe enmigrintoj, rifuĝintoj, azilpetantoj, laŭ komisio de ALTE kaj la Konsilio de Eŭropo pri LASLLIAM (esperantigebla al "La Alfabetigo kaj Sekundara Lernado por la Lingva Integrigo de Adoltaj Migrantoj"). Konsilio de Eŭropo komisiis la preparon de la koncerna dokumentaro en kiu KCE oficiale partoprenis, kies traduko aperis en la retejo de ALTE ("La panoramo 2018 de Konisilio de Eŭropo kaj ALTE pri lingva kaj socikona politikoj por migrantoj"). Flankefiko estas ke la Konsilio de Eŭropo eldonis faldfolion pri ĝi en Esperanto, rete alirebla en ĝia oficiala retejo.

• Eŭropo
• Eŭropa himno
• Eŭropa integrado
• Eŭropa Kortumo por Homaj Rajtoj
• Eŭropaj simboloj
• Eŭropa tago (Konsilio de Eŭropo)
• Flago de la Eŭropa Unio
• Komisiito de la Konsilio de Eŭropo pri homaj rajtoj
• Organizaĵo por Sekureco kaj Kunlaboro en Eŭropo

• Oficiala retejo de la Konsilio de Eŭropo
• (angla) Raporto pri LASLLIAM (Alfabetigo kaj lingva integrado de migrantoj)

	Portalo pri Eŭropo
	Portalo pri Politiko