Isbn

Su còdighe ISBN (de s'inglesu International Istandard Book Number, "nùmeru de riferimentu internatzionale de su libru") est una secuèntzia numèrica de 13 tzifras impreada internatzionalmente pro sa classificatzione de sos libros (est galu impreada fintzas sa codìfica pretzedente a su 2007, costituida dae unu nùmeru de tzifras paris a 10 in ue s'ùrtimu caràtere podet in s'in casu cuntènnere sa lìtera majùscula X). Est definidu dae unu istandard de s'ISO, derivadu dae sa codìfica SBN inglesa de su 1967. Mancari no obligatòriu, s'impreu suo però s'est comomai fatu essentziale pro s'immissione de su produtu libràriu in sos canales de sa distributzione manna.

Ogni còdighe ISBN identìficat in modu unìvocu ogni editzione dillindada de unu libru (non però sas simples reimprentas, chi mantenent su matessi còdighe de s'editzione a chi si referint) e, una borta assignadu, non podet prus èssere torradu a impreare.

S'agatant fintzas anàlogos còdighes numèricos pro sa classificatzione de publicatziones periòdicas comente sos cotidianos o sas revistas (s'ISSN) e pro sos ispartidos musicales (s'ISMN).