Donald Trump

Trump manjabat tumatan 20 Januari 2017 manggantiakan Barack Obama.

Trump ranakakan wan ganal di Kuta New York. Inya mandapatakan galar sarjana matan jurusan ekonomi Wharton School di Universitas Pennsylvania pas tahun 1968. Tahun 1971, inya ma'angambil alih parusahaan properti wan konstruksi ampun abahnya, Fred Trump. Trump tampil di bamacam acara Miss USA nang panyalenggaraannya dikuasai Trump mulai matan tahun 1996 sampai 2015. Inya tampil jua lawan cara bakajutan di sapalih film wan seri televisi. Inya sawat mancalonakan diri sabagai presiden matan Partai Reformasi pas tahun 2000, tapi maundurakan diri sabalum pamungutan suara dimulai. Inya marupakan pambawa acara wan produser The Apprentice, seri televisi realita di NBC, pas tahun 2004 sampai 2015. Hingga 2017^[update], inya tadaftar di Forbes sabagai urang paling ke-324 di dunia wan ke-113 di Amirika Sarikat Lawan kasugihan barasih $3,1 miliar.

Citakan:Further information

Trump diranakakan pas tanggal 14 Juni 1946 di Jamaica, Queens, salah sabuting pamukiman di Kota New York. Inya marupakan anak kaampat matan lima badingsanak. Talu daksanaknya masih hidup: Maryanne, Elizabeth, wan Robert. Kaka Trump, Fred Jr., maninggal dunia pas tahun 1981 maraga alkoholisme. Gara-gara ngini, Donald kada parnah maminum minuman baalkohol atawa baroko.

Trump baisi katurunan Jirman matan abahnya wan Skotlandia matan umanya. Kaampat kai-nininya diranakakan di Eropa. Abahnya, Fred Trump (1905–1999), diranakakan di Queens matan kuitan nang baasal matan Kallstadt, Jirman, wan jadi salah sabuting pangambang properti paling ganal di Kota New York. Umanya, Mary Trump (née MacLeod, 1912–2000), lahir di Tong, Lewis, Skotlandia. Fred wan Mary batemu di New York wan kawin pas tahun 1936, lalu maulah rumah tangga di Queens. Pamannya, John G. Trump, saurang dosen di Institut Teknologi Massachusetts matan tahun 1936 sampai 1973, taumpat dalam panalitian radar pihak Sakutu pas Perang Dunia Kedua wan mangganii maancang masin sinar-X nang meamanjangi usmur pandarita kanker. Pas tahun 1943, Federal Bureau of Investigation maminta John Trump mampalajari panalitian wan alat-alat Nikola Tesla imbah Tesla maninggal di kamarnya di New Yorker Hotel. Kai Donald Turmp adalah Frederick Trump, pangusaha restoran wan asrama di parak Seattle wan Klondike, Kanada.

Keluarga Trump aslinya marupakan pangikut Lutheran, tapi kuitan Trump marupakan jemaat Gereja Reformed Amerika. Nama keluarga Trump baharinya dieja Drumpf atawa Drumpft, tapi diubah jadi Trump pas Perang Tiga Puluh Tahun pas abad ke-17. Trump manyambat bahwa inya bangga lawan darah Jirmannya; inya menjabat marsekal tinggi pas baacaraan German-American Steuben Parade tahun 1999 di Kota New York.