Donald John Trump (genys 14 mis Metheven 1946) yw negysydh, personalita pellwolok gwiryonedh, politeger, hag a-dhia 20ves a vis Genver 2017 bys y'n 20ves a vis Genver 2021, Lywydh an Statys Unys.
Donald J. Trump | |
45es Lewydh Statys Unys | |
Sodhans 20 Genver 2017 - 20 Genver 2021 | |
Islewydh | Mike Pence |
Parti | Repoblikanek |
Bleynys gans | Barack Obama |
Sewys gans | Joe Biden |
Trump a dheklaryas y ombrofyans rag Lywydh an Statys Unys, dhe Dour Trump yn Cita Evrok Nowydh. Ev a gesstriva avel gwithyasel honan-deskrifys. Y gaskyrgh a boslevas gwlaskerensa Amerikanek, yn-unn fia tybyans kepar ha ewnder politek, ha ragvreus vedia. Yn rann awos y vri, kaskyrgh Trump a dhegemeras pals attendyans heb par.
Wortalleth, nyns o hwansek hembronkysi Repoblicanek kepar ha Kowser an Chi Paul Ryan dh'y skoodhya. Yth esa dout dhedha y vos sewen, keffrys ev dhe bystiga imach Parti Repoblicanek. Movyans 'ken-deghow' a guntellas a-dro dh'y ombrofyans, awos y enebieth orth liesgonisogeth hag omynvroans. Akusys veu Trump a banderya orth kenethlogoryon wydn. Nammys veu nebes y hwarvosow kaskyrgh a freudh. Kowethansow fethcheckya re isdheklaryas Trump a wul niver a leveryansow fals kehevelys orth ombroforyon erel.
Trump a entras bagas bras a 16 ombrofyer aral ow kesstriva rag hanwesigeth Repoblicanek. Hebm o an brassa yn istori Statys Unys. Dadhlansow a veu gwelys gans goslowysi bras yn-istorek, y hwra y kaskyrgh moy anweladow. Wosa dorslynk yn Indiana yn mis Me 2016, ombroforyon a remaynya, Ted Cruz ha John Kasich a hedhas aga haskyrghow. Trump a dheuth ha bos hanwesik yn-sodhogel dhe'n Kuntelles Kenedhlek Repoblikanek 2016 yn Cleveland, Ohio.
Trump a waynyas an etholans kemmyn a 6ves a vis Du 2016, ow fetha ombrofyores Dhemokrat, Hillary Clinton. Ev a waynyas raglev Kollji an Etholans, kyn waynyas Clinton kansrann nebes ughella a'n raglev popular. Y hwrava kemeres y soodh avel 45es Lywydh an Statys Unys dhe'n 20ves a vis Genver 2017.
Dhe 18 a vis Kevardhu 2019, Trump a veu ympechys gans Chi an Ganasedhoryon, yndella ow tos ha bos an tressa lywydh dhe vos ympechys (wosa Andrew Johnson yn 1868 ha Bill Clinton yn 1998).
This article uses material from the Wikipedia Kernowek/Karnuack article Donald Trump, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Kavadow yw an tekst yn-dann CC BY-SA 4.0 marnas avisyes yn ken maner. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Kernowek/Karnuack (DUHOCTRUNGQUOC.VN) is an independent company and has no affiliation with Wiki Foundation.