სისტემატიკავიკინერობეფს
მელა | ||||||||||||||
---|---|---|---|---|---|---|---|---|---|---|---|---|---|---|
მენცარული კლასიფიკაცია | ||||||||||||||
| ||||||||||||||
ლათინური ჯოხო | ||||||||||||||
Vulpes | ||||||||||||||
გვარობეფი | ||||||||||||||
| ||||||||||||||
თხილუაშ სტატუსი | ||||||||||||||
|
მელა (ლათ. Vulpes) — მახვამილაფარლი ბჟაშუმუეფიშ გვარიშ ჩხოლარი ჯოღორიშობურეფიშ ფანიაშე. გოფაჩილი რე ირდიხას ანტარქტიდაშ მოხ. ავსტრალიაშა მიშაჸონაფილი რე. გვარს 6 გვარობა რე. რჩქვანელობური მელა (Vulpes vulpes) ტანო არძაშე დიდი რე. საქორთუოს მუთმოფხვადჷნა რჩქვანელობური მელაშ 3 გვარობა. ობჟათე რასეფი უმოსი ღილე ფერიშ რე, მუთმოფხვადჷნა ედომუშამო ჩე (ალბინოსეფი) ვარდა უჩა ინდივიდეფი (მელანისტეფი). გიშაკერძაფილო მიარემუდანობათ ხე ველეფს დო ტიოზეფს. თაშნეშე ხე ტყას დო შხვა აბანეფს. მითორე ომანეს, ნამუსჷთ მუ თხორუნს, კანკალეშა მუნჩქვიშ ვარდა შხვა ჩხოლარიშ ომანეს კებულენს. გჷმირინუანს ორთაშობურ ბინას — ფოქვეფს, კირდეშ ფარაქას, ეკორთელი ჯალეფიშ ქოქეფს დო შხვა აბანეფს. აქტიური რე დღაშით დო სერით. თოლს ელაზჷმაფათ ორკჷ, რჩქილა დო შურაფა — ჯგირი. გიშეგორუაფუ სირთხილათ დო მოხუჯურობათ. ჭკომუნს მუჭოთ ჩხოლარულ, თეშ ჩანარულ ოჭკომალს, თარო ჭუკიშნერ მაღირღინალეფს. წანმოწანაშე ართშა იმიარებუ. ხანს 3-12 ლაკვის, ნამუეფსჷთ 1,5 თუთას ბჟას არზენს. სქესობუროი მოწიფური რე 10-11 თუთაშ ხანს. ტყვეობას 15-20 წანას თელარენს, ორთას — მუსხირენ წანას. მელა რეწუაშ შანულამი ობიექტი რე (გიმირინუანა ბოწოწის). სარგებელი მოუღუ მანებელი მაღირღონალეფიშ მოჯილიკუათ.
This article uses material from the Wikipedia მარგალური (Margaluri) article მელა, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). დინორე მიწორინაფილი რე გეჸვენჯი ლიცენზიათ (დო შხვა ვა რე მეწურაფილი-და): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki მარგალური (Margaluri) (DUHOCTRUNGQUOC.VN) is an independent company and has no affiliation with Wiki Foundation.