ფოქვა — ფართო სიქოქე დიხაუჩაშ ქერქიშ ჟილენი ფას, დიხაშ ჟინპიჯიშა კილმურს რხვილეფით.
წჷმიქიმინუ წყარს გჷმანწყუმუ ქირთეამ ქანეფიშ (კირქუა, დოლომიტი, თაბაშირი დო შხვ.) გიშატიტონუათ დო გინორხუალათ, თაშნეშე სუფოზიური, აბრაზიული, ეოლური დო შხვა პროცესეფიშ შედეგო.
არძაშე დიდი ზჷმაშ ფოქვეფი რე კარსტული ფოქვეფი. თინეფი წჷმოქიმინუნა მიარეკილომეტრიან დო მიარესართულამ რთულ ფოქვურ სისტემედს, ნამუეფსჷთ დიხაშგიმენი წყარმალუეფი მეურს, კანკალეშა მუთმოფხვადჷნა ტობეფი, წყარგელაფუეფი, სტალაქტიტეფი, სტალაგმიტეფი დო შხვა კარსტული ფორმეფი.
მოსოფელიშ უგჷრძაში ფოქვური სისტემეფი რე: მამონტ-ფლინტ-რიჯი — (გჷმორკვიაფილი ნორთიშ სიტომბა - 587 კმ) (ააშ), ჰელოხი — 194 კმ (შვეიცარია), ოპტიმისტური — 230 კმ (უკრაინა), ახალი ათონიშ ფოქვა — 3,3 კმ (საქორთუო). კანკალე ფოქვა ქირქეთ ინმურს დიხაშ სიტომბაშა დო თ. გ. ჩეგემს წჷმოქიმინუნს. უტომბაში ჩეგემეფი რე: კრუბერიშ ფოქვა (საქორთუო) - 2190 მ, თირამი ჩეგემი — 1753 მ (საქორთუო, ბზიფიშ ქჷნდჷრი), ლამპრეჰტსოფენი - 1632 მ (ავსტრია), ჟან-ბერნარი — 1602 მ (საფრანგეთი), ტორკა-დელ-სიერა 1589 მ (ესპანეთი), პიერ-სენ-მარტენი — 1342 მ, (საფრანგეთი), მუთმოფხავდჷნა მიარესართულამი ფოქვეფი ხოლო (სამანგ. ცუცხვათიშ ფოქვა).
This article uses material from the Wikipedia მარგალური (Margaluri) article ფოქვა, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). დინორე მიწორინაფილი რე გეჸვენჯი ლიცენზიათ (დო შხვა ვა რე მეწურაფილი-და): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki მარგალური (Margaluri) (DUHOCTRUNGQUOC.VN) is an independent company and has no affiliation with Wiki Foundation.