ინფლაცია
ინფლაცია — ეკონომიკას ფასეფიშ საართო დონეშ ძინა საბაზე მაჸიდემორენჯობაშ დონეწკჷმა ალაზჷმაფათ.
ინფლაცია თაშნეშე მიარზებუ, მუჭოთ ფარაშ მაჸიდემორენჯობაშ რკება. ეკონომიკაშ კანკალე მოდელს, თინა ექვივალენტური რე მოთხირიშ დოლაფაშა, ვარდა ფარაშ მეჭირინაფაშ ძინაშა. ინფლაცია დეფლაციაშ ანტონიმი რე.
კანკალე კონტექსტის ზიტყვა „ინფლაცია“ გჷმირინუაფუ ფარაშ მეჭირინაფაშ ძინაშ შანულობათ, ნამუსჷთ კანკალეშა გჷთმოსხუნჷნა, მუჭოთ ფასეფიშ ძინაშ ბაძაძის. კანკალე ეკონომისტი კინ თე გოთანჯუას ისხუნუანს. თაშ სამანგათ, 1920-იანი წანეფიშ ააშ-იშ ეკონომიკაშ კანკალე ანალიტიკოსი მიოწურუანს ინფლაციაშა, თიშ უმკუჯინალო, ნამჷ-და ფასეფი თი პერიოდის ვეძინუდჷნ. თე სტატიას „ინფლაცია“ გოსხუნილი რე თიში ტრადიციული შანულობათ.
მერსხილი ტერმინეფი რე: დისინფლაცია — ინფლაციაშ დონეშ რკება, ვარდა ეფექტი, ნამუთ ურკენს ინფლაციურ გენჭირას, დეფლაცია — ფასეფიშ საართო დონეშ დოლაფა, რეფლაცია — დეფლაციაშ რევერსიშო სტიმულიშ გჷმორინაფა, ჰიპერინფლაცია — ბიწორა ინფლაცია წორწობაშ ტენდენციაშ უმუშო. ინფლაციაშ დაბალი დონე (0-2%)შხირას გომანგაფილი რე „ფასეფიშ სტაბილურობაწკჷმა“, დო მიარე ცენტრალური ბანკი ოფიციალურო ვარდა ვაოფიციალურო მეჸუნს ინფლაციურ პოლიტიკას, თხილერქ იჸუას გორკვიაფილი ოკორინე ჟილენი ვარდა გიმენი ფარდი.
თაშნეშე ქოძირით
- მაკროეკონომიკა
- მონეტარული პოლიტიკა
- ფარაშ მეჭირინაფა
ლიტერატურა
- ჩანტლაძე ვ., ქორთული სხუნუეფიშ ენციკლოპედია, ტ. 5, ხს. 183, ქართი, 1980 წანა.
This article uses material from the Wikipedia მარგალური (Margaluri) article ინფლაცია, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). დინორე მიწორინაფილი რე გეჸვენჯი ლიცენზიათ (დო შხვა ვა რე მეწურაფილი-და): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki მარგალური (Margaluri) (DUHOCTRUNGQUOC.VN) is an independent company and has no affiliation with Wiki Foundation.