Teylu a gigdebroryon yw an usviles, gwrys a beder eghen.
Usvil | |
---|---|
Usvil breghys (Crocuta crocuta) yn Park Kenedhlek Queen Elizabeth, Ouganda | |
Klassans bewoniethek | |
Gwlaskor: | |
Fylum: | |
Klass: | |
Urdh: | |
Teylu: | Hyaenidae Gray, 1821 |
Isteylu: |
|
Hevelep orth kathes yn filogenynnek, mes orth keun a rann aga semlant hag omdhegyans, usviles a drig war an nor, ow ponya dhe gachya aga boos. Esplegys o usviles nans yw 22 milvil vledhen. Nans yw 15 milvil vledhen, rennys o usviles dhe dhew isteylu, Protelinae, hevelep dhe geun byghan, a dheber termytow (ha treweythyow hwesker erel), ha'n Hyaeninae, a dheber eskern karyn ladhys po gans enevales erel kepar ha lewyon ha lewpardes, po gansa aga honan. An usvil breghys yn arbennek yw helghor da, hag i a wra helghya y honan, po yn bagasow byghan ha meur.
An usvil dor yw an unnik esel a'n isteylu Protelinae. Ev a drig yn Afrika Dhyghow hag Est. Termytow yw y voos, herwydh usadow, mes treweythyow hwesker erel. Nyns usi usviles dor a dheber kig nevra. Gwell yw gansa pryskdir ha gwelstir, heb menedhyow. Y hanow yn Sowsnek, aardwolf a styr 'dor-vleydh' y'n yeth Afrikaans
Yma adro dhe 45,000 a usviles breghys yn Afrika. Ev yw an brassa esel a'n teylu. Kigdebror pur sewen yw an usvil breghys, hag i a yll kesstrifa ha lewyon rag aga freydh. I a drig yn gwandrans efan a vewvaow, koswigow, gwelstiryow ha menydhyow, nebes citys hwath.
Yn-dann 10,000 a usviles brith a drig hwath yn Afrika Gledh hag Asia West. I a gudh yn kovva dydhweyth, ha dos yn-mes dhe voosa nosweyth. I a dheber karyn, mes ynwedh, frooth ha hwesker pan vo chons.
Ottomma an eghen moyha traweythus a usvil. Ev a drig yn Afrika Dhyghow. Aga bewva yw difeythtiryow.
Yma'n erthygel ma owth usya an Furv Skrifys Savonek a-barth Kernowek kres.
This article uses material from the Wikipedia Kernowek/Karnuack article Usvil, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Kavadow yw an tekst yn-dann CC BY-SA 4.0 marnas avisyes yn ken maner. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Kernowek/Karnuack (DUHOCTRUNGQUOC.VN) is an independent company and has no affiliation with Wiki Foundation.