Ternieth Ming

Ternieth Ming o an diwettha ternieth ewn a Jina rewlys gans an Han, an brassa bagas ethnek yn China. An hanow yw usys ynwedh dhe styrya Emperoureth Ming ledys gans an Ming hag an 276 bledhen a istori chinek duryes gensi.

Ternieth Ming

stat chinek istorek, oos istorek

Darn a	Ming Qing, Late Imperial China
Dalleth	1368
Hanow sodhogel	大明
Label teythyek	大明
Yeth sodhogel	Chinek
Brastir	Asi
Penncita	Yingtian Fu, Yingtian Fu, Shuntian Fu, Shuntian Fu
Tyller kesordenek
Furv selyek a wovernans	myghternses ollgallosek
Mona kemmyn	bimetallism, Great Ming Treasure Note
Y sew	ternieth Yuan, Osow Kres Chinek
Arlehes gans	ternieth Shun, ternieth Qing, ternieth Ming Soth
Yth arleha	ternieth Yuan, Song, Emperoureth Vongol
Yeth usys	Chinek
Diwedhys	1644
Istori an desten	istori ternieth Ming
Kryjyans sodhogel	Bouddhisteth, Taoieth, Confusianieth

Ming yw skrifys avel 明 yn Chinek; an lytheren yw howl (日) ha loor (月) war-barth hag a styr "splann". An teylu a ledyas China dres ternieth Ming o an Zhu, skrifys avel 朱 yn lytherennow chinek.

Fondyer ternieth Ming, Emperour Hongwu (r. 1368–1398), genys avel Zhu Yuanzhang, a assayas gwruthyl kowethas a gemenethow powek honenlowr restrys yn kevreyth diwedhyn hag a wrussa skoodhya renkas fast a soudoryon rag y dernieth. Lu an dernieth o brassa ages milvil soudor ha lestrivaow an morlu yn Nanjing o an brassa y'n bys. Yth esa lies mab dhe Emperour Hongwu hag ev a wrug dhedha bos ledyoryon an 13 ranndir a Jina.

Penncita soth an Emperoureth o Nanjing a 1368 ha penncita north Beijing a veu keworrys yn 1403. Penncita chyf Beijing an Ming a veu fethys yn 1644 dhe dhomhwel ledys gans Li Zicheng neb a fondyas ternieth Shun. Tus kelmys dhe dernieth Ming a besyas batalyas avel Ming an Soth bys yn 1683.

Yma'n erthygel ma owth usya an Furv Skrifys Savonek a-barth Kernowek kres.

Onan a'n mil erthygel posekka war Wikipedya yw an erthygel ma.