Hyena's (Hyaenidae) zyn e familie van Carnivora (roofbêest'n) die vôornkomn in Afrika en Azië.
Hyena's | |||||||||||
---|---|---|---|---|---|---|---|---|---|---|---|
Gevlekte hyena | |||||||||||
Taxonomische indêlienge | |||||||||||
| |||||||||||
Familie | |||||||||||
Hyaenidae G. Fischer, 1817 |
Alhoewel dan ze trek'n ip grôte hoend'n, vormn ze 'n aparte biologische familie die woarschynlik 't mêest verwant is an d' andere families van d' oenderorde Feliformia: katachtign (Felidae), civetkatachtign (Viverridae), pardelrollers (Nandiniidae), Madagaskarcivetkat'n (Eupleridae) en mangoest'n (Herpestidae).
In vroegere tyd'n kwoamn hyena's vôorn over grôte dêeln van Europa en Azië, moa ze zyn sterk verminderd in antal en habitat. Der zyn moa vier sôort'n overgebleevn, elk in hunder eign geslacht: de gevlekte hyena, de brune hyena, de gestriepte hyena en d'n eirdwolf.
Alhoewel dan hyena's fylogenetisch dichter by katachtign stoan, zyn ze gedrags- en morfologisch te vergelyk'n met hoendachtign. Ze klemn nie in boomn en ze vangn prooin met hunder tand'n in plekke van mè klauwers. Hunder pôot'n mè grôte, stompe, nie-intrekboare klauwers zyn angepast vo styf zêre te loop'n en scherpe bocht'n te moak'n. De verzorgienge, geurmarkerienge, oentlastingsgeweuntes, poarienge en oederlik gedrag van hyena's komn ton wel were overêen mè 't gedrag van andere feliformia.
Hyena's speeln e prominente rolle in de folklore en mythologië in de streek'n woar dan ze leevn. In Afrika word'n hyena's in verband gebrocht mè toverië en hekserië en ze zyn doar styf benowd vor hunder zogezeide macht. Sommigte geloovn dan hyena's invloëd hèn ip de gêest van menschn, groavn beroovn en vee en joengers steeln.
Ofbeeldiengn die ier by passn ku je vien in de categorie Hyaenidae van Wiki Commons. |
This article uses material from the Wikipedia West-Vlams article Hyena's, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). De inhoud is, tenzij anders aangegeven, beschikbaar onder CC BY-SA 4.0 Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki West-Vlams (DUHOCTRUNGQUOC.VN) is an independent company and has no affiliation with Wiki Foundation.