Ceri Rhys Matthews

Fe'i gysylltir fwyaf gydag adfywiad y pibau Cymreig.

Ceri Rhys Matthews
Ganwyd	29 Mai 1960
Dinasyddiaeth	Cymru
Galwedigaeth	cerddor
Arddull	canu gwerin

Ganed Matthews ym maestref Treboeth, ger Abertawe. Addysgwyd ef mewn ysgol gynradd Ynystawe, Ysgol Gynradd Gymraeg Lôn Las, ac Ysgol Gyfun Gymraeg Ystalyfera (Bro Dur bellach), ac aeth ymlaen i astudio Celfyddyd Gain ac Arlunio yn Ysgol Gelf Abertawe a Choleg Celf Maidstone o dan Patricia Briggs, Robin Sewell, Noel White a Michael Upton.

Fel unawdydd ac aelod o’r grŵp gwerin Cymreig, Fernhill, fe’i galwyd yn “ffigwr allweddol yn y dadeni traddodiadau cerddorol Cymreig”, gan y newyddiadurwr Julian May yng nghylchgrawn Songlines a’i ddisgrifio ganddo fel “a one man Welsh music industry" Mae wedi cynhyrchu 21 crynoddisg ar gyfer is-gwmni Fflach, fflach:tradd. Yn 2000, cynhyrchodd Rough Guide to the Music of Wales ar gyfer y World Music Netowrk. Yn 2009, fe gynhyrchodd Blodeugerdd: Song of the Flowers - An Anthology of Welsh Music and Song ar gyfer y Smithsonian Folkways a ddaeth yn gyntaf yng Ngwobrau Cerddoriaeth Annibynnol 2009 ar gyfer Albwm Traddodiadol Gorau'r Byd.

Bu iddo gychwyn ac yn dysgu cerddoriaeth mewn dau brosiect hunan-ariannu hirdymor cysylltiedig; Pibau Pencader, a phrosiect Sesiynau Ioan Rhagfyr, yn Tŷ Siamas, Dolgellau. Roedd Ioan Rhagfyr (John Williams) yn gerddor o Ddolgellau (1740-1821).

Bu i Ceri Rhys Matthews wneud llawer wrth ddod â sain y pibau Cymreig neu alawon Cerddoriaeth draddodiadol Cymru ar bibau gwahanol, i sylw y cyhoedd. Ef oedd arweinydd gyntaf Parêd Gŵyl Dewi Aberystwyth yn 2013 pan ganodd y pibau wrth arwain yr Orymdaith drwy dref Aberystwyth gyda Dr Meredydd Evans fel tywysydd.

Mae ei weithgareddau addysgu yn cwmpasu sbectrwm eang. Mae'r rhain yn cynnwys prosiect Ysgol Iau tymor hir i wneud ffliwt yn Nolgellau, Cymru; addysgu mewn amrywiol Ysgolion Haf gan gynnwys The English Acoustic Collective Summer School, Ruskin Mill; ac ar y Penwythnosau Yscolan, Pentre Ifan.

Mae’n diwtor gwadd ar y Radd BMus mewn cerddoriaeth werin a thraddodiadol ym Mhrifysgol Newcastle, a The Sage Gateshead; ac ar Radd Cerddoriaeth BMus (Anrh) yng Ngholeg Brenhinol Cerdd a Drama Cymru yng Nghaerdydd.

 

Gyda'r grŵp y Saith Rhyfeddod

• Saith Rhyfeddod (Sain, 1991)
• Cico Nyth Cacwn (Fflach, 1994)

Fel cerddor unigol

• Traditional songs of Wales ( Saydisc, 1995)
• A Celtic Christmas (Saydisc, 1996)
• Shrug off ya complex (with Y Tystion. Crai, 1998)
• South Wales Beat (with Wepun Ex Project. Wonky Wax, 2003)
• Funky Fresh (with Wepun Ex Project. Wonky Wax, 2003)
• William Kennedy Piping Festival (Armagh Piper's Club, 2004)
• Alawon (with Burum. fflach:tradd, 2006)
• Yscolan (Disgyfrith, 2006)
• Y Gwythienne (Disgyfrith, 2021)

Gyda'r grŵp Fernhill

• Ca' nôs (Be Jo, 1996)
• Llatai (Be Jo, 1997)
• Whilia (Be Jo, 2000)
• hynt (Be Jo, 2003)
• Na Prádle (live) (Be Jo, 2007)
• Canu Rhydd (Disgyfrith, 2011)
• Amser (self-released, 2014)

Fel cynhyrchydd recordiau

• Ffidil (fflach:ttradd, 1997)
• Datgan (fflach:ttradd, 1997)
• Telyn (fflach:ttradd, 1997)
• KilBride (fflach:ttradd, 1997)
• Gramundus (fflach:ttradd, 1998)
• Pibau (fflach:ttradd, 1999)
• Megin (fflach:ttradd, 1999)
• Minka (fflach:ttradd, 1999)
• Melangell (fflach:ttradd, 2000)
• The Rough Guide to the Music of Wales (World Music Network, 2000)
• Boys from the Hill (fflach:ttradd, 2001)
• Perllan (fflach:ttradd, 2001)
• Ffawd (fflach:ttradd, 2001)
• Enlli (fflach:ttradd, 2002)
• Sidan (fflach:ttradd, 2002)
• Toreth (fflach:ttradd, 2003)
• Crwth (fflach:ttradd, 2004)
• Priodi (fflach:ttradd, 2004)
• Blas (fflach:ttradd, 2004)
• Gwenllian (fflach:ttradd, 2005)
• Pibddawns (fflach:ttradd, 2006)
• Tro (fflach:ttradd, 2008)
• Blodeugerdd: Song of the Flowers (Smithsonian Folkways, 2010)

• Gwefan swyddogol Fernhill
• Gwefan swyddogol Ceri Rhys Matthews 'ysgolan' yn cynnwys clipiau fideos, sain a delweddau
• Blodeugerdd, Smithsonian Folkways
• Gwefan Swyddogol fflach:tradd Archifwyd 2017-03-14 yn y Peiriant Wayback.
• Ceri Rhys Matthews a Christine Cooper perfformiad a sgwrs yn Llyfrgell Genedlaethol Cymru Medi 2009