Baner Panama: Baner
Ysbrydolwyd baner Panama gan yr faner Unol Daleithiau America.
Mae'r faner yn cynnwys pedwar chwarter gyda seren goch a seren las mewn dau chwarter a'r ddau chwarter arall yn las a'r llall yn goch. Mae'r coch (Rhyddfrydol) a glas (ceidwadol) yn cynrychioli'r ddau blaid wleidyddol sy'n bresennol ar adeg y sylfaeni'r wladwriaeth yma yng Nghanolbarth America. Mae'r gwyn yn cynrychioli'r heddwch y mae'r sefydliadau'n gweithredu ynddi.
 | |
| Enghraifft o'r canlynol | baner cenedlaethol  |
|---|---|
| Lliw/iau | gwyn, glas, coch |
| Dechrau/Sefydlu | 25 Mawrth 1925 |
 Ffeiliau perthnasol ar Gomin Wicimedia | |
Tachwedd y 4ydd yw Diwrnod y Faner - sef diwrnod Annibyniaeth Panama oddi ar Colombia.
Hanes
Mabwysiadwyd y faner yn swyddogol ar 4 Tachwedd 1925 ac mae'n seiliedig ar y faner a fabwysiadwyd ym 1903 a addasu yn ddiweddarach. Roedd y faner wreiddiol wedi ei ddylunio gan y diplomydd Panamanaidd, Manuel Amador Terreros, ar noson 1 Tachwedd 1903. Ei fwriad oedd creu baner yn cynrychioli byd gwleidyddol y Panama ar yr adeg honno. Mae'r glas hefyd yn cynrychioli'r Môr Tawel a'r Môr y Caribî; coch y gwaed a gollwyd dros y wlad a gwyn am heddwch.
Mae'r faner gyfredol yn union yr un peth â'r faner wreiddiol ond bod y sêr wedi ffeirio lle gyda'r chwarter lliw llawn gan roi'r seren las uchaf yn y canton sydd yn fwy arferol i'r lygad ac yn dilyn confensiwn Banereg.
Cynigwyd cynllun arall gan Philippe Bunau-Varilla yn 1903 oedd wedi ei seilio ar faner yr Unol Daleithiau a chwaraeodd ran yn mrwydr Panama dros annibyniaeth oddi ar Colombia gan gyfuno'r lliwiau melyn a choch - lliwiau sydd ym maneri Colombia a Sbaen er mwyn cydnabod perthynas Panama gyda'r ddwy wlad honno. Yn y canton dyluniwyd ddau haul yn symbol o ogledd a de America gyda dolen rhyngddynt yn symbol o Gamlas Panama ac uno dwy gefnfor. Gwrthowyd y cynllun yma gan ei fod yn rhy debyg i faner yr UDA.
Defnydd Rhyngwladol
Mae baner Panama yn adnabyddus ar draws y byd fel baner cyfleustra. Caiff ei chwifio gan longau masnach er mwyn hwylstod masnachu.
Baneri Hanesyddol
-
Baner Gwladwriaeth Sofran Panama pan oedd yn rhan o Wladwriaeth Unedig Colombia, 1855-1886) -
Cynnig baner Philippe Bunau-Varilla (1903) -
Baner Panama 1903-1925. Noder fod y sêr wedi newid safle yn y faner a ddefnyddir yn gyfredol -
Ystondard Arlywydd Panama
.svg)
.svg)
Dolenni
Cyfeiriadau
This article uses material from the Wikipedia Cymraeg article Baner Panama, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Rhoddir testun y dudalen ar gael ar delerau'r drwydded CC BY-SA 4.0, heblaw ei fod wedi nodi'n wahanol. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Cymraeg (DUHOCTRUNGQUOC.VN) is an independent company and has no affiliation with Wiki Foundation.