Holodomor (Голодомор in ucrainu è russu) hè u nome attribuitu à a carestia chì hà minatu u territoriu di l'Ucraina da u 1932 à u 1933, incausendu parechji milioni di morti.
Oghje dinù, e cause è l'implicazione di l'URSS è di Stalin in 'ssa caristia facenu dibattitu.
U terminu deriveghja da a sprissione ucrainiana moryty holodom (Морити голодом), cumbinendu e parolle ucrainiane holod ("fame, caristia") è moryty ("tumbà, affamà, esaurisce"), è a cumbinazione di e duie parolle mette à u puntu l'intensione di pruvucà a caristia.
Di marzu 2008, u parlamentu ucrainianu è dicennovi nazioni indipendenti anu ricunnusciutu l'azzione di u guvernu suvièticu in Ucraina à u principiu di l'anni 1930 cum'è atti di genocidiu. Una dichjarazione cunghjunta di l'ONU in u 2003 hà definitu a caristia cum'è u risultatu di pulitiche è azzioni crudeli chì anu caghjunatu a morte di milioni di persone.
U 23 di uttrove di u 2008, u Parlamentu Europeu hà aduttatu una risuluzione in a quale ellu hà ricunnusciutu l'Holodomor cum'è un crimine contru à l'umanità ; i guverni di l'Alimagna, di a Francia, di l'Italia è di a maiò parte di i paesi uccidintali, fora di i Stati Uniti d'America, ùn anu micca furmalizatu individualmente 'ssu ricunniscimentu è quellu ferma dunque l'ogettu di dibattitu à u livellu di e relazioni internaziunali.
In Ucraina, dopu à a ricunniscenza di l'Holodomor, hè statu decisu di cummimurà lu officialmente ogni annu u quartu sabatu di nuvembre.
This article uses material from the Wikipedia Corsu article Holodomor, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Il contenuto è disponibile in base alla licenza CC BY-SA 4.0, se non diversamente specificato. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Corsu (DUHOCTRUNGQUOC.VN) is an independent company and has no affiliation with Wiki Foundation.