Holodomor

Prastawa iki uga dikenal minangka Terror-Famine lan Famine-Genocide in Ukraina, lan kadhang kala uga dijuluki Great Famine utawa The Ukrainian Genocide of 1932–33. Nailka Holodomor, yutanan padunung Ukraina, sing akèh-akèhé minangka golongan ètnis saka Ukraina, mati amarga kaluwèn. Wiwit taun 2006, Holodomor diakoni déning Ukraina lan 15 nagara liyané minangka prastawa panumpesan (genosida) kang dilakokaé déning pamaréntah Sovyèt.

Udakara 25.000 padunung désa mati saben dina utawa itungané 1,000 wong saben jam utawa 17 wong saben menit. Umur rata-rata padunung Ukraina ing taun 1933 iku 7,3 taun kanggo wong lanang lan 10,9 taun kanggo wong wadon, lan itungané ing bocah-bocah, siji saka saben telung wong mati.

Acara iki padha gedhéné kaya prastawa "Holocaust" sing dilakokaké déning Adolf Hitler marang wong Yahudi ing Jerman.

Para ahli sajarah saka Uni Sovyèt ngumpetaké kabèh bukti sing nuduhaké culikané nagara tirai wesi iku nalika njajah lan ngontrol Ukraina. Nanging ahli sajarah saka Inggris Robert Conquest ing bukuné " Harvest of Sorrow " njelasake acara kanthi jelas.

 

Ing taun 1932, pamaréntah Uni Sovyèt netepaké dendha kanthi cara ngrampas gandum lan panganan liyané saka désa kang ora saguh ngebaki gunggung pangumpulan séréal lan prodhuk tetanèn kang kanthi sengaja ditetepaké dhuwur banget. Bisnis ritel dilarang ing wilayah padésan, nyebabaké petani ora bisa tuku roti kang dadi panganan utamané wong-wong ing kono. Pamaréntah netepaké sistem daftar ireng kang nyegah pangadolan samubarang kaya ta lenga tanah, korèk api lan barang liyane menyang wewengkon pertanian lan indhividhu minangka ukuman amarga ora bisa ngrampungaké pangiriman séréal kang nunggak.