دەیڤد ھاربەر: ئەکتەرێکی ئەمریکی

ناسراو بە ڕۆڵی جیم ھۆپەر لە زنجیرەی نێتفلیکسی خەیاڵی زانستیی درامی شتە نامۆکان (٢٠١٦-ئێستا)، کە بەھۆیەوە خەڵاتی ھەڵبژاردەی ڕەخنەگرانی وەرگت بۆ باشترین ئەکتەری یاریدەدەر لە زنجیرەیەکی درامی لە ٢٠١٨ دا. بەھۆی ڕۆڵەکەیەوە، بۆ خەڵاتی ئێمی و گۆڵدن گڵۆب پاڵێورا.

دەیڤد ھاربەر
دەیڤد لە کۆمیک-کۆنی ساندیاگۆی ٢٠١٩
لەدایکبوون	دەیڤد کینیث ھاربەر (١٩٧٥-٠٤-١٠) ١٠ی نیسانی ١٩٧٥ (تەمەن ٤٩ ساڵ) وایت پلەینس، نیویۆرک، ویلایەتە یەکگرتووەکانی ئەمریکا
خوێندنگە	کۆلێژی دۆرتماوث
پیشە	ئەکتەر
چالاکبوون	١٩٩٩–ئێستا

دەیڤد ڕۆڵی یاریدەدەری ھەبووە لە فیلمەکانی Brokeback Mountain (٢٠٠٥)، Quantum of Solace (٢٠٠٥)، The Green Hornet (٢٠١١)، End of Watch (٢٠١٢)، The Equalizer (٢٠١٤)، Black Mass (٢٠١٥)، و Suicide Squad (٢٠١٦). و ڕۆڵی کارەکتەری سەرەکی گێڕاوە لە فیلمی پاڵەوانی Hellboy (٢٠١٩).

دەیڤد کینیث ھاربەر لە ١٠ی نیسانی ١٩٧٥ لە وایت پلەینس، نیویۆرک لەدایکبووە، بۆ کینیث و نانسی ھاربەر. دایک و باوکی ھەردووکیان ئەندازیارن، دایکی لە بیناسازی و باوکی لە بازرگانی. ئەو لە دوا ناوەندی بیرام ھیڵس لە ئارمۆنک، نیویۆرک خوێندوویەتی، لەگەڵ ئەکتەران شۆن ماھیر و ئییال پۆدڵ. دەیڤد لە کۆلێژی دارتماوث لە ھانۆڤەر، نیو بامپشیر دەرچووە، لە ١٩٩٧ دا.

 

دەیڤد دەستی بە ڕۆڵگگێڕان کرد بە پڕۆفیشناڵی لە بڕۆدوەی لە ١٩٩٩، لە دووبارە ژیانەوەی The Rainmaker. و دەستی کرد بە ڕۆڵگێڕان لە تەلەڤزیۆندا لە ھەمان ساڵدا لە ئەڵقەیەکی Law & Order، کە ڕۆڵی گارسۆنێکی ئەگێڕا. دووبارە لە ٢٠٠٢ دا دەرکەوەتەوە لە Law & Order: Special Victims Unit، کە ڕۆڵی بکوژی منداڵێکی ئەگێڕا. دەیڤد ڕۆڵی کارمەندی MI6 ڕۆجەر ئاندرسنی گێڕاوە لە زنجیرەی ABC بەناوی Pan Am. لە ٢٠٠٥ دا، پاڵێورا بۆ خەڵاتێکی تۆنی بۆ نواندنگ لە بەرھەم ھێنانی Who's Afraid of Virginia Woolf?.

دەیڤد ناسراوە بۆ ڕۆڵی وەک کارمەندی CIA گرێگ بیم لە Quantum of Solace، وەک شێپ کامبێڵ لە Revolutionary Road، و وەک سەرچاوەی ڕەسڵ کڕۆوی لە State of Play. ھەروەھا ناوبانگیشی پەیداکردووە بۆ ڕۆڵی بکوژێکی بەکۆمەڵی ئەگێڕا لە ئەڵقەیەکی ٢٠٠٩ی Law & Order: Criminal Intent. ڕۆڵەکانی تری بریتین لە Brokeback Mountain, The Green Hornet, End of Watch، و Between Us. لە ٢٠١٣ دا، ڕۆڵێکی بچووکی گێڕا وەک دکتۆرێکی سەرەکی لە زنجیرەی Elementary. لە ٢٠١٢وە تا ٢٠١٤، ڕۆڵی ئیلیۆت ھیرسچی گێڕاوە لە زنجیرەی The Newsroom.

لە ٢٠١٤ دا، دەیڤد ڕۆڵی کارەکتەر دکتۆر ڕید ئاکڵی گێڕاوە لە وەرزی یەکەمی زنجیرەی مێژووی درامی Manhattan. لە ٢٠١٥ دا، دەیڤد ھەڵبژێردرا بۆ ڕۆڵی جیم ھۆپەر لە زنجیرەی خەیاڵی زانستیی ترسناکی نێتفلیکسی شتە نامۆکان. بەھۆی ڕۆڵەکەیەوە لە زنجیرەکەدا، دەیڤد پاڵێورا بۆ خەڵاتی ئێمی پڕایم تایم بۆ باشترین ئەکتەری یاریدەدەر لە زنجیرەیەکی درامی (٢٠١٧ و ٢٠١٨) و خەڵاتی گۆڵدن گڵۆب بۆ باشترین ئەکتەری یاریدەدەر - زنجیرە، کورتە زنجیرە یان فیلمی تەلەڤیزیۆنی (٢٠١٨). دەیڤد لەگەڵ تەواوی کاستی سەرەکی زنجیرەکە خەڵاتی ڕێکخراوی ئەکتەرەکانی شاشە بردەوە بۆ باشترین ڕۆڵگێڕان لەلایەن گروپێکەوە لە زنجیرەیەکی درامی (٢٠١٧).

دەیڤد ڕۆڵی کارەکتەری سەرەکی گێڕاوە لە فیلمی پاڵەوانی Hellboy (٢٠١٩). ھەروەھا دانراوە کە ڕۆڵی ئەلێکسی شۆزتاکۆڤ / پارێزەکەرە سورەکە بگێڕێت لە فیلمی پاڵەوانی جیھانی سینەماییی ماڕڤڵ Black Widow (٢٠٢٠).

لە ٢٠١٩وە، دەیڤد پەیوەندی ھەبووە لەگەڵ گۆرانیبێژ لیلی ئاڵن. یەکەم دەرکەوتنیان لە فەڕشی سوور لە ٢٦ەم خەڵاتەکانی ڕێکخراوی ئەکتەرانی شاشە ساڵانە بوو.

دەیڤد باوەڕی بە چەندەھا ئایین ھەبووە کە بریتین لە کاثۆلیزم و بودھیزم؛ ھەرچەندە، ئێستا باوەڕی بە ئایینی خەیاڵی نییە و باوەڕی وایە کە خەڵک ژیان دروست ئەکەن… بە بەئاگایی؛ و باوەڕی بە تارمایی ھەبووە، بەڵام ئێستا باوەڕی پێی نییە.

دەیڤد کێشەی لەگەڵ ئالوودەبوونی بە کحولەوە ھەبووە لە ڕابردوویدا، و وا بووە تا سەرەتایی تەمەنی ٢٠ ساڵی. لە تەمەنی ٢٥ دا، دەیڤد تووشی ئاڵۆزیی دووجەمسەری بوو.

فیلم

 

تەلەڤیزیۆن

شانۆ

• دەیڤد ھاربەر لە بنکەدراوەی ئینتەرنێتیی فیلمەکان
• دەیڤد ھاربەر ٢٠ی ئابی ٢٠٠٩ لە وەیبەک مەشین، ئەرشیڤ کراوە. لە تی ڤی دۆت کۆم

•  دەروازەی ژیاننامە
•  دەروازەی فیلم
•  دەروازەی ویلایەتە یەکگرتووەکانی ئەمریکا
•  دەروازەی ھۆڵیوود