حیزبی سۆسیالیست دیموکراتی کوردستان
حیزبی سۆسیالیست دیموکراتی کوردستان حیزبێکی کوردی باشوورە لەژێر بیرۆکەی سۆشیالیزم، پارتەکە لەساڵی ١٩٧٦ دامەزراوە لەلایەن مەحموود عوسمان و عەدنان موفتی و ڕەسوول مامەند، و لەساڵی ١٩٧٩ بەشێک لە ئەندامانی حیزبی یەکێتیی نیشتمانیی کوردستان جیابوونەوە ھاتنە بەرەی حیزبی سۆسیالیستی کوردستان ھەر لە باشووری کوردستان یەکێکیش لەو ئەندامانە محەممەد حاجی مەحموود کە ئێستا سکرتێری گشتیی حیزبی سۆسیالیستی کوردستانە.
ئەم وتارە بۆ سەلماندن پێویستی بە ئاماژەی زیاتر بە سەرچاوەکان ھەیە. (فێربە کەی و چۆن ئەم داڕێژەیە لابەریت) |
| حیزبی سۆسیالیست دیموکراتی کوردستان | |
|---|---|
Wiki Soranî / کوردی | |
| دامەزرێنەر | مەحموود عوسمان عەدنان موفتی ڕەسووڵ مامەند |
| دامەزراندن | ١٩٧٩ |
| جیابوونەوە | حیزبی زەحمەتکێشانی کوردستان |
| جیابووەتەوە لە | یەکێتیی نیشتمانیی کوردستان |
| ئایدۆلۆژیا | کوردایەتی، سۆشیال دیموکراسی |
| شوێنی سیاسی | چەپی ناوەڕاست |
| ئایین | عەلمانی |
| ئینتیمای نێودەوڵەتی | ھاوپەیمانێتیی پێشکەوتوو |
| کورسییەکان لە ئەنجومەنی نوێنەرانی عێراق | ٠ / ٣٢٥ |
| کورسییەکان لە پەرلەمانی کوردستان | ١ / ١١١ |
دامەزراندن
حیزبەکە سەرەتا بەناوی بزوتنەوەی سۆسیالستی کوردستانەوە دامەزرا. یەکەم کۆبوونەوەش بۆ دروستکردنی ئەم حیزبە، لە ماڵی «سەید عەزیز شەمزینی» بوو لە ڕۆژھەڵاتی کوردستان لە ھاوینی ساڵی ١٩٧٦. دواتر بەیاننامەی دامەزراندن لە ڕێگای «کەریمی حیسامی» لە بەیرووت چاپکرا و لە ٨–٨–١٩٧٦دا حیزبەکە ڕاگەیەندرا.
ئەزموونی سیاسی
دامەزرێنەرانی حیزبەکە بریتی بوون لە:
سەیدا ساڵح یوسفی عەلی عەسکەری دکتۆر خالید سەعدی عەزیز عەلی ھەژار کاردۆ گەڵاڵی ڕەسول مامەند تاھیری عەلی والی سەید کاکە مەلا ناسیح دواتر ناوی بزووتنەوەی سۆسیالیستی دیموکراتی کوردستان گۆڕدرا بۆ «بزووتنەوەی سۆسیالیستی کوردستان» و ساڵی ١٩٧٩ گۆڤارێک بەناوی بزووتنەوە دەردەکەن.
لە ٢٥ی ٦ی ١٩٨١ سکرتێری گشتیی حیزب (سەیدا ساڵح یووسفی) بەھۆی بۆمبێکی چێنراوەوە تیرۆر کرا.
کۆنگرەکانی حیزبی سۆسیالیست -یەکەم کۆنگرە لەشاخ لە دۆڵەتوو لە ١٢ی ٥ی ١٩٨١.
-کۆنگرەکانی تریشی دوای ڕاپەڕینی ١٩٩١ لە شارەکانی کوردستان بەستووە.
٨ی ٨ی ١٩٧٩ : کۆنفڕانسی ڕاگەیاندنی حسک واتە «حیزبی سۆسیالستی یەکگرتوو».
کۆنگرەکان
-کۆنگرەی یەکەم ١٢ تا ١٣ی ٥ی ١٩٨١ لە دۆڵەتوو.
-کۆنگرەی دووەم ١٥ تا ١٩ی ١١ی ١٩٩٤ ھەولێر.
-کۆنگرەی سێیەم ٢٧ تا ٣٠ی ١١ی ١٩٩٩ سلێمانی.
-کۆنگرەی چوارەم ٦ تا ٩ی ١٢ی ٢٠٠٣ سلێمانی.
-کۆنگرەی پێنجەم ٨ تا ٩ی ٨ی ٢٠٠٥ سلێمانی.
-کۆنگرەی شەشەم ٥ تا ٨ی ٥ی ٢٠١١ ھەولێر.
- کۆنگرەی حەوتەم لە ٥ی ٣ی ٢٠٢٢ ئەنجامدرا و محەممەد حاجی مەحموود بە سکرتێری گشتیی حیزب دانرایەوە و ناوی حیزبەکە گۆڕا بۆ «پارتی سۆسیال دیموکراتی کوردستان». ھەروەھا سەرکردایەتی نوێ ھەڵبژێردرا و لە ٣٩ ئەندام پێکھاتوون.
وەک حیزبێکی نیشتمانیی و نەتەوەیی پێناسەی خۆی کردووە و ئەم ستراتیجە بۆ «حیزبی سۆسیالست دیموکراتی کوردستان» پەسەندکراوە.
- پلینیۆمی یەکەمیشی لە ١٣ی ٦ی ٢٠١٤ لە سلێمانی بەستووە و لەوێ بۆ یەکەمجار کۆنفیدراڵی وەک ئامانجی حیزبی سۆسیالیست بۆ ئەو قۆناغە بە گونجاو دانرا.
زانیاریی گشتی
بارەگای لە سەرجەم کوردستان ھەیە و خاوەنی ٤،٥٠٠ شەھیدە و لە شەڕی دژی داعش ٩ شەھید و سەدان برینداری داوە. خاوەنی کەناڵێکە بەناوی (جەماوەر) و ڕادیۆ و وێبگەی (جەماوەر و سورێن)ی ھەیە. ھەروەھا خاوەنی ڕۆژنامەیەک بووە بەناوی «ڕێبازی ئازادی».
ئەمانەش ببینە
سەرچاوەکان
دەروازەی سیاسەت
دەروازەی دەیەی ١٩٧٠
دەروازەی عێراق
دەروازەی کوردستان
دەروازەی سۆشیالیزم
This article uses material from the Wikipedia Soranî / کوردی article حیزبی سۆسیالیست دیموکراتی کوردستان, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). ناوەرۆک لەبەردەستە لەژێر CC BY-SA 4.0دا، مەگەر پێچەوانەی وترابێ. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Soranî / کوردی (DUHOCTRUNGQUOC.VN) is an independent company and has no affiliation with Wiki Foundation.