ھێرشی ١٧ی خەرمانان
ھێرشی ١٧ی خەرمانان بریتییە لە ھێرشی مووشەکی کۆماری ئیسلامیی ئێران بۆ سەر بنکە و بارەگاکان و کەمپی نیشتەجێبوونی بنەماڵەکانی حیزبەکانی دێموکراتی کوردستان و دێموکراتی کوردستانی ئێران لە ڕێکەوتی شەممە ٨ی ئەیلوولی ٢٠١٨ی زایینی، بەرامبەر لەگەڵ ١٧ی خەرمانانی ٢٧١٨ی کوردی.
ئەوە یەکەم جار بوو لە مێژوودا کە حکوومەتێک دژی ئۆپۆزیسیۆن خۆی مووشەک بەکار بێنێت.
| ھێرشی ١٧ی خەرمانان | |
|---|---|
| 36°03′52″N 44°36′13″E / 36.0644°N 44.6036°E | |
| شوێن | کۆیە، بارەگاکانی حیزبی دێموکراتی کوردستان (حدک) و حیزبی دێموکراتی کوردستانی ئێران (حدکا) |
| ڕێکەوت | ٨ی ئەیلوولی ٢٠١٨، ١٧ی خەرمانانی ١٣٩٧ی کۆچیی ھەتاوی ١٠:٤٥ بەیانی |
| جۆری ھێرش | مووشەکی |
| بریندارەکان | نزیک بە ٤٠ کەس |
| قوربانی | ١٦ شەھید |
| ھەنگاونەر(انی) تۆمەتبار | سپای پاسدارانی شۆڕشی ئیسلامی |
ڕووداەکە
سەعات دە و چل و پێنج خولەکی بەیانی سپای پاسداران لە پێگەی ھەوافەزای خۆی لە ورمێیەڕا، حەوت مووشەکی کورتھاوێژی زەوی بە زەوی ڕەوانەی قەڵای دێموکرات کرد؛ کە شوێنی کۆبوونەوەی ئەندامانی ڕێبەرایەتی حیزبی دێموکراتی کوردستان لە کاتی بەستنی پلینۆمدا، فێرگەی سیاسیی نیزامیی حیزبی دیموکراتی کوردستانی ئێران و شوێنی بنەماڵەی دێموکراتەکان کرانە ئامانج.
قوربانیان
لە ئاکامی ھێرشەکەدا ٦ ئەندامی سەرکردایەتی و ٨ کادڕی حدک و ٢ مامۆستای فێرگەی حدکا شەھید بوون؛ ھەروەھا نزیک بە ٤٠ ژن و منداڵ و پێشمەرگەش بریندار بوون.
شەھیدان
- ڕەحمان پیرۆتی
- سۆھەیلا قادری
- نەسرین حەداد
- برایم ئیبراھیمی (برایم زێوەیی)
- محەممەد حەسەنپوور
- کەریم مەھدەوی (کەریم سەقزی)
- ھاشم عەزیزی
- عوسمان عوسمانی
- کەریم ڕەسوڵزادە (مام شێرکۆ)
- قادر عیزەتی
- مەنسوور ئەکبەرپوور
- جەمال ئەکبەری
- پێشەوا عەزیزپوور
- ھاوڕێ کارساز (ھاوڕێ شێخانی)
- فاڕووق حەسەنخەیات
- موختار قادرپوور
کاردانەوەکان
- ٢١ی خەرمانانی ھەمان ساڵ مانگرتنێکی گشتی لە ڕۆژھەڵاتی کوردستان بەڕێوە چوو.
- حکوومەتی ھەرێمی کوردستان ھێرشەکەی مەحکووم کرد و سەرەخۆشی لە بنەماڵەی شەھیدان کرد.
- ناوەندی ھاوکاریی حیزبەکانی کوردستانی ئێران وێڕای مەحکوومکردنی ھێرشەکە، ھاوخەمیی خۆیان بۆ شەھیدکەوتنی ھاوسەنگەرانیان دەربڕی و ھیوای چاکبوونەوەیان بۆ برینداران خواست.
ئەمانەش ببینە
سەرچاوەکان
| کۆمنزی ویکیمیدیا، میدیای پەیوەندیدار بە ھێرشی ١٧ی خەرمانان تێدایە. |
This article uses material from the Wikipedia Soranî / کوردی article ھێرشی ١٧ی خەرمانان, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). ناوەرۆک لەبەردەستە لەژێر CC BY-SA 4.0دا، مەگەر پێچەوانەی وترابێ. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Soranî / کوردی (DUHOCTRUNGQUOC.VN) is an independent company and has no affiliation with Wiki Foundation.