فرانک کێسیێ

لە ئوراگاھیۆ لەدایکبووە، کیسێ دەستی کرد بە کاروانی یاریکردن لە ستێلا کڵب دی ئادەمێ، کە لە ساڵی ٢٠١٠ چووە ناو لاوانی یانەکە. لە ساڵی ٢٠١٤، یاریزانەکە بەزرکرایەوە بۆ پێکھاتەی یەکەم.

ئەتلەنتا

لە ٢٩ی کانوونی دووەمی ٢٠١٥، کێسی گرێبەستێکی لەگەڵ یانەی ئەتلانتا واژوو کرد بۆ ماوەی سێ ساڵ. ئەو لە سەرەتادا بۆ تیمی لاوان دیاری کرا لە، و بەشداری کرد لە حەوت یاری بۆ یانەکە. یەکەم یاری لە ئەورووپا لە ١ی ئازاردا ئەنجامدرا، کاتێک بە شێوەی سەرەکی بەشداری کرد لە بردنەوەیان ٢–٠ لەبەرامبەر یانەی لاوانی ئەی سی میلان.

لە ١٨ی نیسانی ٢٠١٥، کێسی بانگکرا بۆ پێکھاتەی یەکەم بۆ یاریکردن لە بەرامبەر یانەی ڕۆما، بەڵام لەسەر کورسی یەدەگ مایەوە لە ڕۆژی یارییەکەدا کە بە بەرامبەر بوون ١–١ تەواو بوو.

سیزینا (خواستن)

لە ٢٦ی ئابی ٢٠١٥، کیسێ بە شێوەی خواستن پەیوەندی کرد بە یانەی سیزینا لە خولی پلە دووی ئیتاڵی بۆ ماوەی یەک ساڵ. لە ٢٦ی ئەیلوول یەکەم یاری پیشەگەری خۆی ئەنجامدا، کە وەک یەدەگ لە جێگای ئەنتۆنیۆ ڕاجوسا ھاتە یاریگاوە و لە دەرەوەی یاریگای خۆیان ٠–٠ بەرامبەر بوون لە دژی پێروگیا.

کێسی یەکەم گۆڵی پیشەگەری خۆی تۆمارکرد لە ٣١ی تشرینی یەکەمی ٢٠١٥، کە دوایین گۆڵی یارییەکە بوو لە بردنەوەیان ٢–٠ لە بەرامبەر ڤیرتۆس لانسیانۆ. دوای ئەوە بوو بە یاریزانی سەرەکی بە بێ ھەبوونی ھیچ ڕکابەرێک، لە ٣٧ یاری دا بەشداری کرد و چوار گۆڵی تۆمارکرد بەڵام تیمەکەی نەیتوانی سەربکەوێت بۆ خولی پلە یەک لە یارییەکانی پلەی ئۆفی یەکلاکەرەوەدا.

گەڕانەوە بۆ ئەتلانتا

دوای گەڕانەوەی لە ماوەی خواستنەکەی، کیسێ بەرزکرایەوە بۆ پێکھاتەی یەکەم لەلایەن ڕاھێنەری یانەکە جیان پیێرۆ گاسپەرینی. دوای بەشداربوونی لەگەڵ تیمی سەرەکی لە کاتی ئامادەکارییەکانی پێش وەرزدا، یەکەمین یاری خۆی بۆ یانەی لا دیا ئەنجامدا لە ١٣ی ئابی ٢٠١٦، لە سەرەتاوە بەشداری کرد و دواھەمین گۆڵی یارییەکەی تۆمارکرد لە بردنەوەی ٣–٠ی جامی ئیتاڵیا بەرامبەر کرێمۆنێس. دوای شەش ڕۆژ گرێبەستەکەی نوێکردەوە تا ساڵی 2021.

کیسێ یەکەمین یاری خۆی لە سەرەکی ترین بەشی تۆپی پێی ئیتاڵی ئەنجامدا لە ٢١ی ئابی ٢٠١٦ ئەنجامدا، کاتێک لە سەرەتاوە یاری کرد و دوو گۆڵی تۆمارکرد لە دۆڕاندنیان ٤–٣ لە یاریگای خۆیان لە بەرامبەر لازیۆ. دوای حەوت ڕۆژ گۆڵێکی دیکەی تۆمارکرد، لە دۆڕاندنیان ٢–١ لە دەرەوەی یاریگای خۆیان بە یانەی سامپدۆریا.

دوای ئەوە کیسێ بوو بە یەکێک لە یاریزانە سەرەکییەکان لە پێکھاتەی سەرەکی گاسپەرینی، گۆڵی بردنەوەی تۆمار کرد بەرامبەر تۆرینۆ (٢–١ بردیانەوە لە یاریگای خۆیان) و ڕۆما (٢–١ بردیانەوە لە یاریگای خۆیان)، ھەردووکیان لەڕێگەی لێدانی سزاەوە. ھەروەھا لە ٢٠ی کانوونی یەکەمی ٢٠١٦دا بەرامبەر ئیمپۆلی گۆڵی یەکسان کردنەوەی تۆمار کرد، دواتر مارکۆ دی ئالساندرۆ لە خولەکی کۆتاییدا گۆڵی بردنەوەی تۆمارکرد.

ئەی سی میلان

لە ٢ی حوزەیرانی ٢٠١٧، کێسی چووە یانەی ئەی سی میلان بە خواستن بۆ ماوەی دوو ساڵ لەگەڵ ئیجبار بوونی کڕینی یاریزانەکە. لە بنەڕەتدا، ژمارە ١٩ی ھەڵبژارد وەک ژمارەی درێسی خۆی بەڵام زوو لەلایەن بەڕێوەبەرایەتی یانەکەوە ڕازی کرا کە درێسەکە بدات بە لیۆناردۆ بۆنوچی، کە چەند ھەفتەیەک دواتر پەیوەندی کرد بە میلانەوە؛ ھەر بۆیە، کیسێ ژمارەکەی گۆڕی بە ٧٩. دوای ڕۆیشتنی بۆنوچی لە گواستنەوەی ھاوینی داھاتوو، ژمارە درێسەکەی خۆی پێشکەش کرا بەڵام ڕەتی کردەوە، ئاماژەی بەوە کرد کە نایەوێت ھاندەرانی میلان ناچار بکات ھیچ پارەیەکی زیاتر خەرج بکەن لەسەر درێسی تایبەتی ئەو بەھۆی گۆڕینی بە ژمارەیەکی تر.

٢٠١٧–١٨

یەکەمین یاری خۆی بۆ میلان ئەنجامدا و یارمەتی یانەکەی دا بۆ بردنەوەی یاری یەکەمی پاڵاوتنەکانی خولی ئەورووپا بەرامبەر سی ئێس یوو کرایۆڤا لە ٢٧ی تەممووز. لە ٢٠ی ئابی ٢٠١٧، لە یاری یەکەمی میلان لە خولی پلە یەکی ئیتاڵی لە وەرزەکەدا، لە بردنەوەی ٣–٠ بەسەر کرۆتۆنیدا گۆڵێکی لەڕێگەی لێدانی سزاوە تۆمارکرد. لە یارییەکدا بەرامبەر کالیاری لە ٢١ی کانوونی دووەمی ٢٠١٨، کێسی دوو گۆڵی تۆمارکرد، یەکێکیان لە ڕێگەی لێدانی سزاوە، تا بردنەوە بە میلان ببەخشێت.

٢٠١٨–١٩

لە ٣١ی ئابی ٢٠١٨، گۆڵێکی یەکەمی تۆمارکرد بەرامبەر ڕۆما لە بردنەوەی ٢١. لە ١٦ی کانوونی دووەمی ٢٠١٩، کێسی لە یاری کۆتایی سوپەرکۆپی ئیتاڵیای ٢٠١٨ دوورخرایەوە بەرامبەر یۆڤانتۆس، کە یۆڤانتس ١–٠ بردەوە. لە ١٣ی نیسان، تاکە گۆڵی تۆمارکرد لە بردنەوەی ١١٠ بەرامبەر لاسیۆ. لە ٢٦ی ئایاردا گۆڵێکی تۆمارکرد بەرامبەر SPAL لە بردنەوەی ٣–٢.

٢٠١٩ ٢٠

لە ٥ی تشرینی یەکەمی ٢٠١٩دا گۆڵی بردنەوەی تۆمار کرد لە ھەفتەیەکدا لە دەرەوەی یاریگای خۆیان لە بەرامبەر جەنەوا. لە ٧ی تەممووزی ٢٠٢٠دا گۆڵی یەکسان بوونی تۆمارکرد بۆ ئەوەی یارمەتی میلان بدات ٤–٢ بیباتەوە لە بەرامبەر یۆڤانتۆس. لە ١٢ی تەممووزدا، لێدانێکی سزای تۆمارکرد و ئەنجامەکە ٢–٢ کۆتایی ھات لە بەرامبەر ناپۆلی. لە ١٥ی تەممووزدا گۆڵی یەکسان بوونی لە بەرامبەر پارما تۆمارکرد لە بردنەوەی ٣–١، کە لێدانێکی بەھێز بوو لە دووری ٢٥ مەترەوە.

٢٠٢٠–٢١: سەرکەوتنی کەسی

لە ٢٧ی ئەیلوول، کێسی یەکەم گۆڵی خۆی لە وەرزەکەدا تۆمارکرد بەرامبەر کروتۆنی، کە بە لێدانی سزا بوو لە بردنەوەی ٢–٠. لە ١ی تشرینی دووەمدا، گۆڵی یەکەمی یارییەکەی تۆمارکرد لە بردنەوەی ٢–١ی لە بەرامبەر ئۆدێنزی لە یاریگای ستادیۆ فرولی. لە ٢٩ی تشرینی دووەم بەرامبەر فیۆرێنتینا، لێدانێکی سزای تۆمار کرد و یەکێکی دیکەی لەدەستدا کاتێک تیمەکەی توانی ٢–٠ بردنەوە بەدەست بھێنێت. لە ٦ی کانوونی یەکەمدا بەرامبەر سامپەدۆریا لە لویجی فێراریس، لە خولەکی کۆتایی نیوەی یەکەمدا لێدانێکی سزای کرد بە گۆڵ، و تیمەکەی ٢–١ پێشخست کە بردنەوەیەکی سەختیان بەدەست ھێنا. لە ٢٨ی شوباتی ٢٠٢١، لێدانێکی سزای کرد بە گۆڵ لەبەرامبەر یانەی ڕۆما و تیمەکەی ٢–١ بردیانەوە. لە ٢٣ی ئایاردا، دوو لێدانی سزای کرد بە گۆڵ لە بردنەوەیان ٢–٠ لە دەرەوەی یاریگای خۆیان لە دژی یانەکەی پێشووی ئەتلانتا، و بەھۆیەوە دووەمیان مسۆگەر کرد لە وەرزی ٢٠٢٠–٢١ خولی پلە یەکی ئیتاڵیا، و گەیشتن بە خولی یانە پاڵەوانەکانی ئەورووپا ٢٠٢١–٢٢ لە دوای ھەشت ساڵ دابڕان. کیسێ بوو بە یەکەم یاریزان کە لانیکەم ١٠ لێدانی سزا بۆ ئەی سی میلان بکات بە گۆڵ لە یەک وەرزی سێریا ئەی لەدوای زلاتان ئیبراھیمۆڤیچ لە وەرزی ٢٠١١–١٢، لە ماوەی وەرزەکەدا ٥٠ یاری کرد لە ھەموو پاڵەوانێتییەکاندا، کە ئەمەش زۆرترینە لە ناو یاریزانانی خولی ئیتاڵیا بە ھاوبەشی لەگەڵ پۆلیتانۆلەو وەرزەدا ١٣ گۆڵی تۆمارکرد، ڕیکۆردێکی نوێی کەسی بوو، ھەروەھا ئەسیستی ٦ گۆڵی کرد، کە لەلایەن ھەندێک ڕەخنەگرانەوە بە یاریزانی وەرزەکە بۆ میلان وەسف کرا.

٢٠٢١: براوەی سکۆدێتۆ و جێھێشتن

لە ١٢ی ئەیلوولی ٢٠٢١ بەرامبەر لازیۆ، کیسێ لێدانێکی سزای بۆ دروست بوو بەڵام نەیتوانی گۆڵ بکات؛ میلان ھێشتا توانی یارییەکە ٢–٠ بباتەوە. لە ٢٨ی ئەیلوول، لە یارییەکی خولی یانە پاڵەوانەکانی ئەورووپا بەرامبەر ئەتلەتیکۆ، کاتێک میلان بە ١–٠ لە پێش بوو، کێسی لە خولەکی ٢٩ بە کارتی سوور کرایە سەرەوە، لە کۆتاییدا یانەکەی ٢–١ دۆڕا. لە ٣١ی تشرینی یەکەمدا بەرامبەر ڕۆما، لێدانێکی سزای لێدا و گۆڵی دووەمی میلانی کرد و توانیان ٢–١ یارییەکە ببەنەوە. لە ٧ی تشرینی دووەمدا، لەکاتی یاریکردن دژی ئینتەر، لە ٦ یاردی خۆیان فاوڵی لە ھاکان چالھانۆگلو گرت و بووە ھۆی دروستبوونی لێدانی سزا، کە بە ھۆیەوە گۆڵ تۆمار کرا و یارییەکە ١–١ بەرامبەر بوون. لە ٤ی کانوونی یەکەمدا، کیسێ یەکەم گۆڵی تۆمارکرد بەرامبەر سالێرنیتانا لە بردنەوەی ٢–٠. لە ٢٢ی کانوونی یەکەمدا، کێسی گۆڵێکی تۆمارکرد بەرامبەر ئیمپۆلی، بەمەش گەیشتە ١٤ گۆڵ لە خولی ئیتاڵیدا لە ساڵی ٢٠٢١؛ دوایین یاریزانی ناوەندی ئەی سی میلان کە ئەو ژمارە گۆڵەی تۆمار کردبێت لە یەک ساڵدا کاکا بوو لە ساڵی ٢٠٠٨.

لە ٢٢ی ئایاری ٢٠٢٢، کیسێ سێیەم گۆڵی تۆمارکرد لە بردنەوەی ٣–٠ بەرامبەر ساسۆلۆ، کە نازناوی سکۆدیتۆ (خولی ئیتاڵی) بۆ یانەکە تۆمارکرد، دوای گۆڵەکە، کیسێ چوو بۆ لای ھاندەرانی میلان لە یاریگای ماپێی و سڵاوی سەربازی کرد کرد، ئەوە دوایین یاری و گۆڵ بوو بۆ کیسێ لەگەڵ میلان، کاتێک چەند ڕۆژێک دواتر ڕۆیشتنی ڕاگەیاند و سوپاسی ھاندەرانی کرد.

٢٠٢٢–٢٣: بەرشەلۆنە

لە ٤ی تەممووزی ٢٠٢٢، بەرشەلۆنە ڕای گەیاند کە گەیشتوونەتە ڕێکەوتنێک لەگەڵ کیسێ دوای تەواوبوونی گرێبەستەکەی لەگەڵ ئەی سی میلان و لە ٦ی تەممووز، گرێبەستێکی بۆ چوار ساڵ واژوو کرد تاوەکو ٣٠ی حوزەیرانی ٢٠٢٦ و بڕی ھەڵوەشاندنەوەی گرێبەستەکە بە ٥٠٠ ملیۆن یۆرۆ دیاری دەکرێت.

کیسێ نوێنەرایەتی کۆت دیڤواری کرد لە ئاستەکانی خوار ١٧-ساڵ و خوار-٢٠ ساڵ، بەشدار بوو لە جامی جیھانی فیفای خوار-١٧ ساڵ لە ٢٠١٣ و پاڵەوانێتی تاولۆن ٢٠١٥. لە ماوەی پاڵەوانێتییەکەی یەکەمدا، فیدراسیۆنی تۆپی پێی مەغریب داوایەکی بەرز کردەوە بۆ فیفا کە کیسێ تەمەنی ٢٢ ساڵە و نەک ١٦؛ دواتر فیفا داواکەی ڕەت کردەوە.

لە تەمەنی ١٧ ساڵیدا، کیسێ یەکەم یاری نێودەوڵەتی خۆی لەگەڵ پێکھاتەی یەکەمی نیشتیمانی ئەنجامدا لە ٦ی ئەیلوولی ٢٠١٤، لە سەرەتاوە بەشدار بوو لە بردنەوەی ٢–١ لە یاریگای خۆیان لە بەرامبەر سیرالیۆن بۆ پاڵاوتنەکانی پاڵەوانێتی جامی نەتەوەکانی ئەفریقای ٢٠١٥. لە ٤ی کانوونی دووەمی ٢٠١٧، لە تیمی ٢٣ یاریزانی مایکڵ دوسویەر بوو لە پێش جامی نەتەوەکانی ئەفریقای ٢٠١٧، لە ھەموو یارییەکاندا لە پێکھاتەی سەرەکی بوو و تیپەکەی لە قۆناغی کۆمەڵەکان ماڵاوایی کرد.

لە جامی نەتەوەکانی ئەفریقای ٢٠١٩، وەک زۆرترین ئەسیست کۆتایی پێھێنا لە پاڵەوانێتییەکەدا بە ھاوبەشی لەگەڵ ئیسماعیل بێناسەر، بە ھەبوونی سێ ئەسیست. تیمەکەی لە چارەکی کۆتایی لەلایەن پاڵەوانی پاڵەوانێتییەکە جەزائیرەوە دەرکران، دوای ئەوەی ٤–٣ بە لێدانی یەکلاکەرەوە دۆڕان و یاری ئاسایی ١–١ بەرامبەر بوون لە ١١ تەمووزی؛ کیسێ یەکەم لێدانی یەکلاکەرەوەی ئەنجام و گۆڵی تۆمار کرد.

کاتێک کێسی تەمەنی ١١ ساڵان بوو، باوک، کە لە تەمەنی گەنجییدا یاریزانێکی پیشەگەری تۆپی پێ بوو پێش ئەوەی بچێتە ناو سوپای کۆتدیڤوار، بەھۆی نەخۆشییەکەوە کۆچی دوایی کرد. لەبەر ئەوە، یەکێک لە ئاھەنگەکانی لە کاتی تۆمارکردنی گۆڵ بریتییە لە سڵاوی سەربازی وەک ڕێزلێنانێک بۆ کۆچی باوکی.

یانە

ھەتا ٢٢ ئایاری ٢٠٢٢

نێودەوڵەتی

ھەتا ٢٠ ئازاری ٢٠٢٢

ئەی سی میلان

• خولی پلە یەکی ئیتاڵی: ٢٠٢١- ٢٢

تاکەکەسی

• باشترین پێکھاتەی ساڵ: ٢٠٢٠–٢١