تانگوی نیانزۆ

پاریس سان-جێرمان

دەرچووی ئەکادیمیای پاریس سان-جێرمان بوو، نیانزۆ یەکەم یاری پیشەگەری خۆی لە ٧ی کانوونی یەکەمی ٢٠١٩ ئەنجامدا لە بردنەوەی ٣–١ لە خولدا بەرامبەر مۆنبیلییە. دوای چەند ڕۆژێکی تر، لە یەکەم یاری خۆی لە خولی پاڵەوانەکانی ئەورووپا یاری کرد کاتێک پاریس ٥–٠ سەرکەوتن بەسەر گالاتاساری.

نیانزۆ یەکەم گۆڵی تۆمارکرد لە بردنەوەی ٣–٠ی جامی فەڕەنسا بەرامبەر ڕییمز لە ٢٢ی کانوونی دووەمی ٢٠٢٠. ئەم گۆڵەی کە تۆمارکرد چوار ھەزارەمین گۆڵ بوو لە مێژووی یانەی پاریس سان جێرمان. دوو گۆڵی یەکەمی خۆی لە خولی فەڕەنسیدا (لیگ١) تۆمارکرد لە یارییەکدا لە دەرەوەی یاریگای خۆیان کە ٤–٤ بەرامبەر بوون لەگەڵ ئامینس لە ١٥ شوباتی ٢٠٢٢. لە ١١ی ئازار، نیانزۆ کۆتا یاری خۆی بۆ پاریس ئەنجامدا، بە بردنەوەی ٢–٠ لە خولی پاڵەوانەکانی ئەورووپا بەرامبەر بۆروسیای دۆرتمۆند. دوای تەواوبوونی گرێبەستەکەی، یانەکەی پاریسی بەجێھێشت و بە خۆڕایی گرێبەستی لەگەڵ بایەرن میونشن ئەنجامدا.

بایەرن میونشن

لە ١ی تەممووزی ٢٠٢٠، یانەی بۆندسلیگا بایەرن میونشن گرێبەستێک بۆ ماوەی چوار ساڵ لەگەڵ نیانزۆ ڕاگەیاند. لە ٢٨ی تشرینی دووەمدا یەکەمین یاری خۆی ئەنجامدا لە بردنەوەی ٣–١ لە خولدا بەرامبەر ڤی ئێف بی شتوتگارت. لە ١٢ی کانوونی یەکەمدا، نیانزۆ تووشی پێکان ھات و بۆ ماوەی یەک بۆ دوو مانگ دوورکەوتەوە. پێکانەکە بەھۆی پێکانێکی پێشوو بوو کە لە سەرەتای وەرزی ٢٠٢٠–٢١ ڕوویدابوو. گەڕانەوەی ئەو درەنگتر بوو لەوەی چاوەڕوان دەکرا، چونکە وەک یەدەگ بەشداری کرد لە لە یارییەکدا کە ١–١ بوون بەرامبەر یونیۆن بەرلین لە ١٠ی نیسانی ٢٠٢١.

سیڤیلیا

لە ١٧ی ئابی ٢٠٢٢، نیانزۆ گرێبەستێکی بۆ ماوەی پێنج ساڵ لەگەڵ یانەی سیڤیلیای ئیسپانی واژوو کرد.

لە فەڕەنسا لەدایکبووە، نیانزۆ بە ڕەچەڵەک ئیڤوارییە. نیانزۆ یاریزانێکی لاوانی فەڕەنسییە. بەشێک بوو لەو پێکھاتەیەی کە گەیشتە پێش کۆتایی لە پاڵەوانێتی ئەورووپی خوار ١٧ ساڵانی ٢٠١٩.

بەشێکی گرنگ بوو لە تیمی فەڕەنسا کە پلەی سێیەمی بەدەستھێنا لە جامی جیھانی خوار ١٧ ساڵانی فیفا لە ٢٠١٩دا. ھەر حەوت یارییەکەی فەڕەنسا بە سەرەکی یاری کرد و گۆڵی یەکسانی تۆمارکرد لە بردنەوەی تیپەکەی پێش چارەکی کۆتایی ٦–١ بەرامبەر ئیسپانیا.

ھەتا ٨ ئایاری ٢٠٢٢

پاریس سان-جێرمان

• خولی پلە یەکی فەڕەنسی: ٢٠١٩–٢٠
• جامی فەڕەنسا: ٢٠١٩–٢٠
• جامی لیگ: ٢٠١٩–٢٠
• دووەم بوون لە خولی پاڵەوانەکانی ئەورووپا: ٢٠١٩–٢٠

بایەرن میونشن

• بۆندسلیگا: ٢٠٢٠–٢١، ٢٠٢١–٢٢
• جامی سوپەری ئەڵمانیا: ٢٠٢١، ٢٠٢٢

فەڕەنسا خوار ١٧ ساڵان

• پلەی سێیەمی جامی جیھانی خوار ١٧ ساڵانی فیفا: ٢٠١٩

تاکەکەسی

• تیتی دی ئۆر: ٢٠١٩

•  دەروازەی ژیاننامە
•  دەروازەی وەرزش
•  دەروازەی تۆپی پێ