شاژن ئان (ماوەی ژیان:٦ی شووباتی ١٦٦٥ تاکوو ١ی ئابی ١٧١٤) ، شاژنی ئینگلستان و سکۆتلاند و ئێرلەندا و لە کۆشکی سانت جیمس لە لەندەن لەدایک بووە، لە ساڵی ١٧٠٧ نەتەوەکانی ئینگلتەرا و ئسکتلەندا بونە بەیەک وڵات و ناوی نراوە شانشینی یەکگرتووی بەریتانیای مەزن، شاژن ئانیش بۆتە یەکەم شاژنی بەریتانیای مەزن و بۆ ماوەی ١٢ ساڵ و تاکو مردنی شاژنێکەی بەردەوام بووە.
شاژن ئان لەساڵی ١٦٨٣ ھاوسەرگیری لەگەڵ جۆرجی کوڕی شای دانمارک کردووە و ٧ جار سکی کردووە و بەڵام شەشیان ھەر بەگۆربەپی یان لەسکیدا مردونە تەنھا ویلیام نەبێت بەڵام ئەویش لە ساڵی ١٧٠٠ بەتەمەنی ١١ ساڵیدا مردووە. ولیامی سێیەمی مامی ئان لە ساڵی ١٧٠٢ کۆچی دوایی کردووە و شاژن ئان لەجێگای ئەو دەسەڵاتی گرتۆتە دەست و بەپێی سیستمی ئەو کاتەش ئینگلستان و سکۆتلاند گەوتۆتە ژێر دەسەڵاتی ئەوەوە، لەساڵی ١٧٠٧ بەپێی بڕیارێکی پەرلەمان ئینگلتەرا و ئیسکتلەندا کران بەیەک دەوڵەت و ناوی نرا بەریتانیای مەزن و ئانیش بۆتە یەکەم شاژن کە دەسەڵاتی ئەم دوو دەوڵەتە لەژێر ناوی بەریتانیای مەزن بگرێتە دەست. دوای ئەوەی تاجی شاژنی نراوەتە سەر ئان ئینگلتەرا تێوەگلاوە لە شەڕی خیلافەتی ئیسپانیا، ئەم شەڕەش تاکو ساڵەکانی کۆتایی دەسەڵاتی شاژن ئان بەردەوام بووە و بەھەموو سیاسەتی ناوخۆ و دەرەوەدا بەر بڵاوبۆتەوە. شاژنی بەریتانیای مەزن ئان لە ١ ئابی ساڵی ١٧١٤ لەتەمەنی ٥٠ ساڵیدا لەکۆشکی کنسینگتۆن لە لەندەن کۆچی دوایی کردووە.
کۆمنزی ویکیمیدیا، میدیای پەیوەندیدار بە ئان شاژنی بریتانیای مەزن تێدایە. |
This article uses material from the Wikipedia Soranî / کوردی article ئان شاژنی بریتانیای مەزن, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). ناوەرۆک لەبەردەستە لەژێر CC BY-SA 4.0دا، مەگەر پێچەوانەی وترابێ. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Soranî / کوردی (DUHOCTRUNGQUOC.VN) is an independent company and has no affiliation with Wiki Foundation.